وفي ما يلي نص المكالمة التي جرت بين الأمير محمد والانتحاري عبدالله عسيري:
الأمير محمد بن نايف: السلام عليكم الاخ عبدالله
الاستشهادى: نعم نعم
الأمير محمد بن نايف: كيف الحال.. القوة؟
الاستشهادى: الحمد لله كيف حالكم؟
الأمير محمد بن نايف: بخير كل عام وأنتم بخير
الاستشهادى: وأنت بخير ان شاء الله
الأمير محمد بن نايف: كيف صحتك؟
الاستشهادى: مبروك رمضان
الأمير محمد بن نايف: الله يبارك فيك عسى ما تعبتوا
الاستشهادى: الحمدلله
الأمير محمد بن نايف: وشلون اخوك ابراهيم عساه طيب
الاستشهادى: طيب الحال
الامير محمد بن نايف: ابشرك ترى الوالد والوالدة كلهم طيبين ولله الحمد امورهم
زينه وكل شي زين
الاستشهادى: اللهم لك الحمد، ونسأل الله عز وجل ان يتمم
الأمير محمد بن نايف: اللهم آمين اللهم آمين
الاستشهادى : عسى الله بيسر الامور
الأمير محمد بن نايف: ابد الأمور متيسرة ما دام الانسان يحط الله بين عيونه اموره متيسرة
الاستشهادى: ان شاء الله
الأمير محمد بن نايف: في ذهنك شي ودّك تسألني اياه
الاستشهادى: والله علي أني اقابلك
الأمير محمد بن نايف: انا وأنا اخوك في جدة وأنت بعيد شوي محلك
الاستشهادى: انا ودي اقابلك حتى اعطيك الموضوع كامل لك متى ما تيسرت عرفت
الأمير محمد بن نايف: هو أهم شيء الان عندنا اول شي ابسأل سؤال تجاوبني
عليه جواب لأطمئن
الاستشهادى: أبشر
الأمير محمد بن نايف: طمني عن زوجة سعيد وعن الصغار عسى ما جاهم شي
الاستشهادى: لا ابد طيبين مرة اللهم لك الحمد
الأمير محمد بن نايف: هذولا وأنا اخوك لهم اهل فلابد تراعونهم قبل كل شي
انتبه عليهم تراهم عندي اهم منكم اقولها لك بصراحة
الاستشهادى: بيض الله وجهكم
الأمير محمد بن نايف: الحين وقلك حطها في وجهي ابيك تطمني عنهم قبل كل شي
الاستشهادى: اعجبنا وضوحكم معنا عرفت حتى الشباب مستغربين من تعاملكم
الأمير محمد بن نايف: ليه انتم عيالنا ليش مستغربين هالتعامل
الاستشهادى: بيض الله وجهكم
الأمير محمد بن نايف: هذا واجب احرصوا ترى الاشرار يبون يستغلونكم في كل أمر حطوا الله بس بين عيونكم وتعالوا لديرتكم
الاستشهادى: وهذا رمضان بإذن الله رمضان خير
الامير محمد بن نايف: آمين آمين ان شاء الله دائم
الاستشهادى: والله ان شاء الله نسأل الله ان يكفينا الشر ورمضان هذا رمضان خير
الامير محمد بن نايف: آمين
الاستشهادى: ومتفائلين ان رمضان هذا يعني بيكون نقلة
الأمير محمد بن نايف: بحول الله اول نقلة وأنا اخوك تقر عين اهلك فيك هذا اول شي.. ثانياً انا والله ماني كاذب عليك ودي المرأة هذي وعيالها يجون سالمين غانمين لأن النساء عندنا اولوية في كل شي
الاستشهادى: صدقت والله
الامير محمد بن نايف: والله اقولك والله يخيروني هالحين بينكم كلكم والاهم كان لا انتم اقعدوا وخلوها تجي
الاستشهادى: صحيح والله لو تشوف كيف بنته الصغيرة وكيف يوسف يعني نسأل الله ان يتممها على خير
الامير محمد بن نايف: إن شاء الله يجون وتقر عين أهلهم فيهم والمرأة تجي عند والدها وأسرتها.. فالهمام ما عندك هالحين الا الهمام تعلم اخوانك اللي بيجون قبل ما يستغلونهم الاشرار بدون أدنى شك
الاستشهادى: بإذن الله حنا نحيكم في الله وان الامور بإذن الله تتم وتتيسر
الأمير محمد بن نايف: أبشرك الامور زينة.. وأنا يهمني أهم شي تقر عين والدتك فيك ووالدك هذولا بعد ما لهم ذنب.. والدك والدتك يتجلدون قدام الناس مايبون يشعرون أحد أنهم متأثرين ولكن من جوه تعرف قلب الوالد.
الاستشهادى: انت كلمتهم
الأمير محمد بن نايف: والله دائم اسأل عنهم ونكلمهم باتصال ولا لي فضل فيها
الاستشهادى: انا كان ودي أدق عليهم
الامير محمد بن نايف: دق عليهم بس اذا ما كان ما يأثر عليكم انهم يحكون عند احد
الاستشهادى: هذي شي والشي الثاني ودي اكلم انا واخوي ابراهيم مرة وحدة
الامير محمد بن نايف: احسن تدري وراه
الاستشهادى: لان لو كلمت لحالي يمكن يخافون من شي
الامير محمد بن نايف: الوالد لا ممكن يكون متفهم لكن والدتك لو تكلمها واخوك ما كلمها يتهقى فيه شي
الاستشهادى: والله ودي اقابلك اشرح لك الوضع كامل
الأمير محمد بن نايف: ابد حياك الله لك مني اذا جيت اقعد انا وإياك وكل منا يعطي اللي عنده رفيقه لكن اهم شي الجماعة لا يبطون ما ادري وش الاوضاع عندهم
الاستشهادى: الجماعة قالوا الشيخ سعيد عجل تقابل انت مع الامير وتكلم بعض الشباب متخوف شوي
الامير محمد بن نايف: وش متخوفين منه
الاستشهادى: مدري بعضهم متخوف
الامير محمد بن نايف: معليش محقين لكن انتم ما سألتوا عن محمد تراه طيب وبخير وفي بيته
الاستشهادى: جانا الخبر والحمد لله بعد الخبر ارتحت كثير وقالوا تكلم الامير بنفسه ويكلم الشباب وبإذن الله يعطيهم وجه
الأمير محمد بن نايف: ترى الا هالجين لو فيه حق خاص ابعلمك امورنا كلنا تتبع الشريعة وقد نكون مقصرين في بعض الامور ولكن عن غير قصد وما فيه احد كامل خلني اكون معك صادق.. لكن لو الانسان قاتل له كان فيه حق خاص ما اقدر اوعدك فيه لين اهل الحق يتنازلون.
الاستشهادى: بيض الله وجهك
الامير محمد بن نايف: ولكن الحمدلله اللي اعرفه الان انكم ما عندكم حقوق خاصة على احد
الاستشهادى: فإذا قدرت بأسرع وقت ترسل طائرة او اي شي بحيث اكلم انا الشباب من عندك.. لأنه اذا كلمتهم من عندك بإذن الله عز وجل خلاص بيطمنون
الامير محمد بن نايف: خلاص اللي ودك.. انت اللي تقيم هذا الوضع اذا كان الوضع ينتظر الي يوم تجيك الطياره وبتجي الله يحييك
الاستشهادى: بيض الله وجهك..
الامير محمد بن نايف: واذا كان لا ما ينتظر لا والله الهمام على اخوانك وخلهم يجون
الاستشهادى: اجل خلني اكلم ثامر وأرد عليك
الامير محمد بن نايف: كلم وشوف وشاور وأنا اخوك بس اهم شي لا تكلم الوالده اللين يصير ابراهيم عندك
ا
الاستشهادى: أبشر.. وتكفى انك تسامحنا لانها والله انها يعني ما كانت..
الامير محمد بن نايف: لا تنخاني يا رجال اني اسامحك انت ولدنا وأبرك ساعة نبي نكسبك وتعودون لا احد يستغلكم هذا اللي نبيه
المنتحر: بإذن الله
ملحوظة
المصدر العبرية
تم تبديل لفظ انتحارى
باسشتهادى
ممنوع الضحك
على غباء ال..... وهبله
المكالمة التي جرت بين الأمير محمد والاستشهادي عبدالله عسيري
النمط الشجري
