من أجمل أبيات ( الغزل ) ...!!!

[الشــــامخه]

خلّها يا باعث الفرحـات فلّـة
مابقى بالعمر كثر الّلي مضى لـي

...عطني من الحب سقوه ثم علّه
تزهـر الأيـام وتشـع الليالـي

...من بغى دربٍ سأل عنه ودلّـه
ما يرد المهتـوي صعـبٍ وغـالِ

...اطلق الخفّاق مـن قيـدٍ يتلّـه
كسّر الجنحان مقصـور الحبـالِ

...تبري الّلي صار به تسعين علّه
من نظر حالي نشدني كيف حالي؟!

...مابقى لي حال نشّ الحال كلّـه
الله يعديك ظلم الّلـي جـرى لـي

...كل شهر للقمـر هلّـه وطلّـه
وانت لك عامٍ وبدرك ما بدا لـي!!

[الحنين]

انتِ تدرين من انتِ
تدرين انك غديتي كل شي
وانك غديتي شمس ليلي
وفي الهجير الفي
وانك اصدق ماكتبت
وانك احزاني وفرحي
لي ضحكت او انجرحت
وانك غديتي ياعذابي
اغلى من حبي علي
قبل احبك ياما كذبني القصيد
بعد حبك صار يكتبني القصيد
هويوصفك بسمه وطرف
وانا اعشقك في كل حرف
منك شكا لي وصف حسنك اتعبه
وانا شكيتك عشقي لحبك اعجبه
مهما شكا ومهما وصف
انتِ احلى ماكتبت وانتِ اصدق ماكتبت
وانتِ احساسي وجرحي
لي ضحكت او انجرحت
وانتِ غديتي ياعذابي
اغلى من حبك علي