تعالى يا انسان قبل فوات الأوان
تعالى يا انسان قبل نسيان الزمان
قبل ما تقول يا ريت وبقلبى كتير بكيت
قرب وخد عنية ولا تخشى يوم ايديه
ده قلبى كله ليك بيخاف كتير عليك
دليل الحب ساكن فى القلب بس لكن
ليه بنقسى عليه ونبيع الحب ليه
أيام كتيرة فاتت وقلوب علينا نادت
لكن أيامنا هانت علينا آه وباتت
فى حزن كتير وقالت
يا دنيا ليه تبعينا فى الهم ليه تسيبينا
تعالى يا انسان ده لسة فيه أمان
ده لسة فيه زمان مليان بالحنان
اذا كان الحب بعيد بلحن الحب يزيد
بصوت النغم هايقول أنا لك يا حبيبى علطول
لاتقسى يوم عليا لاتزود دمع عنيا
ده رسالة الحب كبيرة ما تتقال فى يوم وليلة
أيامنا الحلوة كتير فيها القلب كبير
فيها الحب أسير
تعالى يا انسان وانسى كل زمان
دوقت فيه الحرمان
انسى اليوم اللى كان الجرح فيه مليان
انسى الظلم والقسوة وافتكر بس البسمة
لا تكتم الأنين ولا تنسى يوم حنين
لا تقول الحب فين لا تقول آهات ودموع عنين
ده الحب بين قلبين ..همسات ..احساس .. ايدين
الحب لسة كبير هاتعيش فيه أمير
تعالى يا انسان وكفاية بقى حرمان
ليه الخوف مليك والحزن ليه فى عنيك
ده بكره كله ليك بس بدايته عليك
ابدأ باسم الرب وامشى فى طريق الحب
واسمع نغمات القلب هتلاقى عشق الجذب
هتلاقى كتير ألحان بستان وحنان وأمان
هايعم الخير عليك والحلم بين ايديك
تعالى يا انسان وسيبك من الأحزان
أصرخ وقول يارب هاعيش لك بكل قلب
هاخلصلك بكل حب
هتلاقى يوم فكرك وبفضل ربك ذكرك
هاتقول الحمد لك يارب
باحساس وحب بكل قلب
يا من قلت الآه وبقلب قلت الله
هتلاقى الدنيا الله والحب يزيد الله
يــــا اٍنســــــــــان .. ..
النمط الخطي
