كليني لهم .. يا أميمة ناصب !!

[*سهيل*اليماني*]

الى .. على رسلك !!




يامحل العفـو عفـوك ياعظيـم
ولطفك اللي كافـل كـل الأنـام

ياسميـعٍ يابصـيـرٍ ياعلـيـم
يـاقـويٍ يامتـيـنٍ يـاسـلام

ياحمـيـد يامجـيـد ياحكـيـم
ياعزيـز ذوالجلالـه والـكـرام

ياعطـوف يـارؤوف يارحيـم
جـل شانـه مايهـام ولا يـرام

بنورك اللي يوم ناجـاك الكليـم
دك سينا خر موسـى ثـم قـام

وحرمة الكعبة وزمزم والحطيـم
والحجر والحجر هو ويا المقـام

اموحد يدعيـك بالليـل البهيـم
بالتخضـع والتضـرع بالظـلام

خاشع لك خاضع لـك مستقيـم
اسألك ودعيك بأسمـاك العظـام

ان تروف بحال من جسمه سقيم
علته تبراه لـه خمسـة عـوام

من بحر جودك ومجدك ياكريـم
نفحة نسعـد بهـا دوم الـدوام

داونـي بـدواك مـن داء اليـم
واشفني بشفاك يامـن لايضـام

شان حالي دوك حالي حام حيـم
والمرض رض العضالي و العظام

امدلـه نفسـي بتدليـه الفطيـم
عن لذيذ النوم مع طيب الطعـام

ولا أشتكي غير لـرب الرحيـم
من سمك السبع السماوات العظام

وابن آدم لـو تمـادى بالنعيـم
لو يعمـر خيـر عمـره للعـدام

كل بن انثى ولو عمـره سليـم
لابد مايشرب بكاسـات الحمـام

من عميم احسانك ارحم يارحيـم
يوم نزع الروح وكرب الحـزام

قام يصعد ويحـدر بـه غريـم
في غضاه من الدماغ اليا البهام

شاخس طرفه وريقه ربق هيـم
كل عرق بالعرق يرشـح شمـام

يوم نزع الروح لاجـن الحريـم
ولجوا اهل البيت والنوح استقام

والشفيق اللي يـودك والرحيـم
يستشن ابشان تجهيـزك قـوام

والخشب دنى مع الخام الرخيـم
وفصلولـه وزرة فوقـه احـرام

ثم شالـه كـل شغمـوم حشيـم
مرجلينـه معجلينـه بالهـمـام

ووضعـوه بمظلـم مالـه نديـم
غير ماقدم مـن أعمـال قـدام

وكشفو عنه الغطا قبـل الهديـم
وفككو عنه العصايـب والحـزام

ورصفوا فوقه من اللبن الخصيم
وادخلوه وودعـوه بـلا كـلام

يا احـد ياواحـد شانـه عظيـم
ياصمـد ياعالـم كـل الـعـلام

سامع في غبـة البحـر البهيـم
صوت يونس يوم نادى بالظـلام

ياالهى خـذ بيـد قلـب سليـم
عن عذابك يوم للخلـق ازدحـام

من بحر مجدك وجودك ياكريـم
نفحـة نسعدبهـا دوم الــدوام

انني دست الخطايـا مـن قديـم
طالبك صفحك وعفوك لي ختـام

والهوى والنفس اغواها الرجيم
ونشر فضلك واسع ذا والسـلام

ذا وصلى الله على طـه اليتيـم
وآله والصحـب ماهـل الغمـام

عدد مايطـاف بالبيـت القديـم
بين زمزم والحجر هو والمقـام