قفا نبك من ذكرى نزول المؤشـر

[الحنين]

أخي الكريم دايم العلو ..
أرى أن تعمل على تغيير لون كتابتك من الأخضر الى الأحمر كما مؤشر الأسهم

أما المدعو (( أبو عبد الله ))
فلا اظنه الا أحد الأخوين ..

أو



ومبارك عليك أخي الوافي ..

والسلام عليكم ورحمة الله وبركاته ..

[السمو]

أي نعم كهرب هي العقرب إنتي نسيتي أنها أنثى
وبعدين خويي مو هو اللي عينه حارة شكلتس إنتي ياعالى رسلك
عيونك عابرة لما وراء البحار والصحاري
حيث إن مؤشرنا مازال يدج داون داون داون رحنا فيها من جد
إذا كنتي عطيتها مؤشرنا وهو بعيد عنكم بمسافات
أجل وش بتسوين بمؤشركم ؟؟؟!!!
لاو الله ماراح أكتتب عندكم يا أصحاب البسطات والمطبات

[LINE]hr[/LINE]

أختي / الحنين
والله ودي أغير لون خطي
بس المشكلة أنا مو ناقص
الأحمر صار قدامي قدامي على الأقل أسلي نفسي بالأخضر
وأتذكر ما قبل الأسبوع الماضي كنا ندبل النسبة فاتت عسى الله يعوضنا
كان كل شيء أخضر في أخضر
وياقلب لا تحزن

أما خوينا أبو عبدالله فأسأل الله أن يكون بخير وأن تعدي أزمته بخير

[على رسلك]

اخوي دايم العلو العقرب مؤنث ( ) ليه ما فيه مذكر()


داون داون داون سمعنا وسلمنا ..الله يكافينا الشر()


عيني حاره() كان علوم لوهي حاره () كان شفت


العجب العجاب مو موضوعك()

انت متاكد انك ما جيت قطر() شكلك عرف بعض الامور ؟؟؟

اما البساطات.....عمار يا مكة() عساها السيل ( )

[السمو]

الأخت على رسلك
إسمعي هذه القصيدة التي لو سمعها امرؤ القيس لأنكر معلقته !!
ولو وصلت إلى المتنبي لجحد انه قال بيتاً واحداً في الشعر !!
ولو سمعها جرير لركب تكسي متوجهاً إلى الفرزدق يقسم أنه ليس صاحبه الشاعر !!
قصيدة !! لا ليست قصيدة إنها معلقة فاضت بها قريحتي
عندما انتظرت السوق لكي يرتد اليوم السبت كما قال الكثير
إنها مسالة تصحيح وبيرجع لكن للأسف سوق اليوم ليس بأحسن حالاً من سوق الأسبوع الماضي بل إن المصيبة أعظم

يقول دائم العلو :

بعد ماكنا نطمع في الملايينِ *** صرنا نقول كما قال ’’ لله يامحسنين ,,
جتنا أيام مانقنع زيادة مية وميتينِ *** ثم عوكست علينا وأصبحنا ممترينِ
يانعنبوه سوق مايعرف الضعوف والمساكينِ *** لا ولا يعرف دشير ولا متدينينِ
ياسعد منهو باع يوم الأثنينِ *** وجلس يتفرج على حال المتبهذلينِ
وياسعد منهو ماجلس ساعتينِ *** في الصبح والمساء كأنه من المساجينِ
قدام شاشتن أحمرت منها العينينِ *** والراس صدع والرعشة صابت الأيدينِ
خسارةٍ ماصارت من سنة ولا سنتينِ *** وأرباحنا طارت في رمشة العينِ
ياناس قولوا يالله يفكك من هالورطتينِ *** ورطة هواميرٍ ونزول النسبة نسبتينِ
يا " غيث " لا تحسبن خويك من الكاسبينِ *** تراه متعلق برجوله ومن الكراعينِ
و " على رسلك " الله يرحم والديك فكيني *** من الشماتة والطنازة ومهوب وقنها الحينِ
يالله عسى ربي ما أصير مديوني *** ويالله عساه بالقناعة والصبر يسليني
أسلي نفسي واقول الخسارة مهيب قرشينِ *** الخسارة هي خسارة النفس والدينِ
وختامها صلاة ربي على خير النبيينِ *** محمد المبعوث لجميع الثقلينِ

اللهم صلى وسلم على خير الأنام وعلى صحبه وآل بيته أجمعين

[غــيــث]

المشاركة الأصلية بواسطة دايم العلو

يا " غيث " لا تحسبن خويك من الكاسبينِ *** تراه متعلق برجوله ومن الكراعينِ

اللهم صلي وسلم على سيد الخلق.

صح لسانك ...ومخباتك بعد

الشي اللي صار اليوم ما ينترقع ....

واللي جمعته النمله في شهر شاله الفيل بوطيتن وحدة...

حسبي الله على الفيل وبس ...

آخذ جولة على الحراج السياسي...وراجع لك

[على رسلك]

اللهم صلي وسلم على سيد الخلق اجمعين..

اسأل الله أن يفكك من شر الكهرب والعقرب ..

[الوافـــــي]

وهذه القصيدة للأخ / دايم العلو

وهي على نسق قصيدة ( الأماكن ) المشهورة ..

المواشي كلها مشتاقه لك ...
والقصيم اللي انرسم فيها خيالك...
واللجين اللي سرى بروحي وجالك..
ماهو بس عمو فتيحي..
المواشي كلها مشتاقه لك..
المصافي ماتذكرني بشي..
حتى صدق ومعدنيه فيها شي..
لو تغيب الجوف نادك ماتغيب..
شوف حايل اه من تطري علي..
المواشي كلها مشتاقه لك..
المؤشر من نزوله ذاب فيني كل صوت..
والتذبذب من جنانه ارتعد فيني السكوت..
صرت خايف لاتجيني نسبه يقفل فيها عرضي..
وكل اموالي تفوت اه اه اه لو تدري حسابي كيف ايامي..

منقوله من البريد
للفائدة ...