هل أنا فتاة سوية ....؟؟ جاوبوني بصراحة

[الدلــnanaــوعة]

اسمعيني رجال هذي اليومين ما أحد يعرفلهم وبعدين ثقي في نفسك وما يهمك كلام الناس بالذات اذا كانوا رجال

و بعدين اذا من ناحية الزواج وواحد جاي يتقدملي عشان بس جمالي فأنا اللي ما راح أوافق لأنه بكرة حيتعود عليه واصير قديمة في نظره والشيء القديم لازم يتغير وانا قلت كده لأنه حيكون من النوع اللي يفكر بس في الجمال يعني عيونه يمين وشمال على البنات و بكرة لو شاف وحدة احلى مني قام يعيرني

يعني خلاصة الكلام انتي محظوظة اذا كنت زي ما تقولي مو حلوة لأنه اللي حيجيكي يتقدملك حيكون جاي عشان روحك ومكنونك الداخلي,,

وبعدين اذا انت مرة مصرة ومتمسكة برأيك فأنا أقلك انه يمكن اذا ربنا أعطاك جمال ما يكون في مصلحتك يعني ممكن تجيك عين (والعياذ بالله) انك ما كنت كده وايش اللي حصلك وايش سويتي؟

فأنا أقلك طريقة أجدت معايا نفع:
أنا عادية فحبيت زيك أكون جميلة وفكرت بالأضرار وبالذات العين لأنه كثير من اللي حوليه عيونهم قوية فصرت أدعي ربنا اذا كان فيه خير ليه يعطينياه ودحين الاحظ انه كثير يقولولي انك محلوة والصراحة كل ما اسمعهم يقولوا كده اطل في المرايا لاني ماني شايفة اني متغيرة فابغى اشوف الى الاّن هم ايش شايفين فيه فانا اقلك ثقي في نفسك ولا تسمحي للهواجس انها تصيطر عليك وادعي ربك واطلبي الخير منه وثقي ان الله يرزق عباده ما فيه خير لهم فإن لم يكن في الدنيا ففي الآخرة,,

تحياتي
أختك نانا,,