ياصاحبي ..

[حكمت البيداري]

ياصاحبي

المايجي أبطخ الراس ... مايجي گوه
شلك على أبن الناس ... غير المروه
بالك تمد أيدك ... للگال ماريدك
كلمة العمر تسوى


ياصاحبي

بحكم الصداقه أريد أسالك
گوه اليحب لو بس الك
اتركهم وعوف
والدور يشوف
يرخصلك الأغلى

بالك تمد أيدك ... للگال ماريدك
كلمة العمر تسوى


ياصاحبي

درب العشگ شوك وزلگ
كلمن يمر فوگه هِلك
أتسمى بالله
وأبعد عن الآه
ضحكات الفرح أحلى

بالك تمد أيدك ... للگال ماريدك
كلمة العمر تسوى


ياصاحبي

عالغدر بيك وبدلك
أصبر بعد دورة فلك
يرد آلك ردود
دموعه عالخدود
بل الخلاك خَلَّى

بالك تمد أيدك ... للگال ماريدك
كلمة العمر تسوى

ياصاحبي ..

الشاعر
حكمت البيداري