العودة   حوار الخيمة العربية > القسم الثقافي > خيمة القصـة والقصيـدة

« آخـــر الـــمـــشـــاركــــات »
         :: نقد كتاب أسباب استخدام الطرق التقليدية في التدريس من وجهة نظر المعلمين (آخر رد :رضا البطاوى)       :: قراءة فى كتاب الإبداع في العملية التربوية وسائله ونتائجه (آخر رد :رضا البطاوى)       :: قراءة فى كتاب إرشاد أسر الأطفال ذوي الإعاقة العقلية (آخر رد :رضا البطاوى)       :: قراءة فى كتاب العنف ضد المرأة (آخر رد :رضا البطاوى)       :: قراءة في بحث الآثار المترتبة على موت المخ ووسائل التشخيص (آخر رد :رضا البطاوى)       :: بيان 3 يوليو (آخر رد :عادل محمد سيد)       :: قراءة في كتاب العمل الجماعي أساس كل حضارة (آخر رد :رضا البطاوى)       :: قراءة في كتاب أحكام المفقود (آخر رد :رضا البطاوى)       :: نظرات فى خطبة حمى الأسهم (آخر رد :رضا البطاوى)       :: قراءة فى كتاب ألذ شيء في الحياة (آخر رد :رضا البطاوى)      

المشاركة في الموضوع
خيارات الموضوع بحث في هذا الموضوع طريقة العرض
غير مقروءة 26-04-2022, 05:05 AM   #1
عبداللطيف أحمد فؤاد
عضو مشارك
 
تاريخ التّسجيل: May 2008
الإقامة: مصر
المشاركات: 764
إفتراضي امتحان

حقيقة انه تم ترقيتى صغيرالعمر كبير القلب و العقل لوكيل ثم مدير مدرسة إعدادية فى مركز ذهب الماس الخليجي وانا من السنبلاوين يعنى غريب عليهم، كان لى استراحة في المدرسة

جت الامتحانات تالتة اعدادي فكنت رءيس لجنة مدرسة كفر شهد البطيخ الاعدادية بلد افخم بطيخ

المهم انا لا اعرف البلد فقلت لزملاءي حروح ازاي البلد دى قالوا مش تحمل هم بس تعالي الجمعة علي مدرستنا

صليت الجمعه و سافرت و اكلي في شنطتى بيض مسلوق و حاجات

المهم وصلت مدرستى زمايلي لقيتهم مستنينى علي باب مدرستى و معاهم عربية مرسيدس صاحبها ولي أمر بنات توأم في تالتة اعدادي. عايز غش ههههه

خدني وفي الطريق تعرف علي وقال ايه جابك قلت النصيب و ترقية

قال تعرف الناءب فلان قلت اه هو مدرس انجليزي زيينا
فرد انا سمسار اراضي و لسة بايع له آخر أربعين فدان في جمعية العدالة

رديت انا غريب لا أعرف الطريق حتي لكني حفظت اسم الجمعية
وصلنا المدرسة علي اذان العشاء يوم الجمعة

بعتوا جابوا سكرتير المدرسة فتح لي و غسل أوضة لي هو و العمال جهزوا استراحة

وبعتوا جابوا عشا فراخ و غيره رفضت كله و رجعته معاهم فخافوا مني جدا

المهم صبحنا امتحنا العيال عربي و دين

وكان معايا في الكشف كشف المراقبة ست معلمات لقيت قدامي 12 سيدة منقبة طيب مين الملاحظة و مين منتحلة.

طلبت العمال و قلت لهم انتوا ولاد البلد طلعوا وليات امر العيال دي فورا و غلقوا الأبواب من غير هيت لك.

طلعوهن في الحال و سلمنا الورق ببص علي سور المدرسة لقيت الستات المنقبات جابوا سلالم بمساعدة العمال الشياطين و نازلين لجنة الامتحان و دخلوا اللجنة و معاهم مدرس عربي ملتح مسخرته

المراقبين بيضحكوا لأن ده عادي عندهم انا اللي غريب و مستغرب

طلبت طلبت الإدارة و الشرطة في ثانية كلهن هربن في الحال و قبلهم مولانا المجرم المغشش.
المهم

بعد امتحان التربية الدينية طلبت العامل قلت عايز اروح جمعية العدالة لأن لي قريب كان جاي له خمسة فدادين هناك

قال لي بعيدة يا استاذ عبداللطيف قلت بس حروح
صلي العصر وجه خدني بالتروسيكل روحنا العدالة
هى 25 الف فدان مستصلحة للخريجيين جنة بطيخ و مزارع سمك معلومات شرحها لي أيمن. العامل.

استولي عليها اللصوص بتوع مجلس الشعب خدعوا الشباب وخدوا صور بطايقهم
و بمساعدة طغاة المحامين

استولوا علي خمسة و عشرين ألف فدان وباعوهم منهم اخو رئيس حماية المستهلك اللي خفي في داهية من فترة قريبة

و راحت الأرض علي الغلابة في بلد الإسلام و الصيام و القيام و السلام.
عبداللطيف أحمد فؤاد غير متصل   الرد مع إقتباس
المشاركة في الموضوع


عدد الأعضاء الذي يتصفحون هذا الموضوع : 1 (0 عضو و 1 ضيف)
 
خيارات الموضوع بحث في هذا الموضوع
بحث في هذا الموضوع:

بحث متقدم
طريقة العرض

قوانين المشاركة
You may not post new threads
You may not post replies
You may not post attachments
You may not edit your posts

BB code is متاح
كود [IMG] متاح
كود HTML غير متاح
الإنتقال السريع

Powered by vBulletin Version 3.7.3
Copyright ©2000 - 2022, Jelsoft Enterprises Ltd.
 
  . : AL TAMAYOZ : .