غافل الهـم قلبـي والزمـان استـدار
وشوقي اللي هويته اصبح اليوم ضدي
طـال ليلـي الا وينـه ابيـه النهـار
وضاعت خطاي حتى الدرب عيا يودي
يالغضي كيف اشوف الحلم والنوم طار
والحقيقه تعل الحيل غصـب وتهـدي
كل حزن تلملـم مـن يميـن ويسـار
واجتمع في خفوقٍ باح سـده وسـدي
ناظر الحال والعود الخضر كيف صار
الشقى محتوينـي والتعـب مستبـدي
خالف الحظ عمري واستثـار الغبـار
والبيـارق تهـاوت والهزيمـه بيـدي
يالغضي طحت كلي في دهاليـز نـار
واستحالت دموعي جمرةٍ فوق خـدي
آه آه واشقوة اللي عايشٍ في انتظـار
من كثير التعاسه مادرى ويـش يبـدي