سود الليــــــــــــــــــالي أخذلتني

[ابن اليمامة]

يابو حمد سود الليالي أخذلتني
بالصاحب اللي ماتحريت فرقاه

قبل ثلاث أسنين هي ألمحتني
في رحلتي يومي تلاقيت وياه

كلمتها في وقتها وكلمتني
من حلو منطوقه ومن زين حلياه

حاولت أنا أبقى ورحلتي بعدتني
ورحلت عن داره وبالقلب ذكراه

وطول الطريق أفكاري ألها خذتني
وعشت بغرام" صعب ياوقتي أنساه

مرت سنيني والليالي أدمرتني
مابين عشقه وبين حبه وذكراه

طال الزمن بي وعلتي طاولتني
وأشقيت أنا حالي على شان لاماه

وفي وقت لاهي مع هلي كلمتني
بصوت" حزين" ذكر القلب ما أشقاه

قالت سلام وبعدها ودعتني
وعرفت صوته بس سكت لأرضاه

وخزنت رقمه باسم من ذكّرتني
ومن بعد فتره قلت لازم أنا ألقاه

دقيت رقمه بس ماجاوبتني
وزاد الألم والقلب كثرت نواياه

ومابين حين وحين جت هاتفتني
تقول وين الوعد يامن تناساه

قلت العذر هذي ضروفي أجبرتني
ووقتي حكمني حكم ماعاد أبقواه

لوهي ضروف الوقت بس ساعدتني
كان أنتظر عندك وكل شي أبلقاه

قالت قبلت العذر ثم مازحتني
بأسلوب حلو ومنبعه حيل ما أحلاه

أثر على قلبي المزاح ورمتني
في حبها اللي طوع القلب وأدماه

زادت محبتها وأهي طاوعتني
في حبي ألها يوم بانت خفاياه

صارحتها في حبها وصارحتني
وقالت ترى ملكت قلبي من أقصاه

طلبتها بشوفها وواعدتني
أني لأشوف اللي تمنيت رؤياه

جيته على الموعد وهي ناطرتني
تقول لي ترى تأخرت قلت آآآه

مدت يمنيه وبحنان ألمستني
قالت هلا بك ياخلف من فقدناه

رديت ترحيبه وعيني أفضحتني
قامت تناظر بالجمال ومزاياه

سألتها عن حالها وجاوبتني
قالت ترى ذا الوقت بالحيل ما أقساه

يومه طويل وليلته عذبتني
وأحلامي اللي ظايعه ماأحد أحصاه

شكت عليّه حالها وضيقتني
ماتدري أني ضايقن حيل لولاه

حضنتها لصدري وأهي حاظنتني
وكلن تنهد من سبب شي" أخفاه

مضت ثلاث أسنين وهي مالكتني
وأنا الحبيب اللي تمنى ملاقاه

إلين في وقت" كئيب أخبرتني
عن قصة اللي عاقدن له نواياه

حكت لي القصه ونست وأجرحتني
وأنا على جمر الغضاء وأترجاه

أقول تمزح بس والله أحرجتني
جابت دليل" والله أني فلا أنساه

قالت ترى عرسي الخميس ودعتني
عشان أنا أحظر في زفاف الخونداه

حظرت أنا في زفة اللي أذهبتني
ذيك الهنوف اللي تعاهدت وياه

زفيت أنا من أختارته فوق متني
أمشي وعيني غارقه بدمع فرقاه

باركت للمعرس وعيني بلتني
بدمع" غزير" سيل الخد من ماه

أبعدت عنهم والكرامه أبعدتني
وأدعي من الله يوصله ماتمناه

ورحلت عن داره وهيّ أهجرتني
وحصل الفراق ولا أعرف وين دنياه

يابو حمد مرت علي ونستني
في لحظة" ماكل حي" تحراه

هذي ترى القصة وحيل أذبحتني
تكفى ترى ياتي مع الوقت طرياه

وأن سألوك أهلي فقل شيبتني
سود الليالي القاسيه في سواياه

[ريّا]

سود الليالي القاسية ..........أعانك الله يابن اليمامة
بوح ولا أروع ......لا تبخل علينا بجديدك ,,,,,,,,,,,,,دام نبضك ........كن بخير ...........ريا

[داود]

قصة جميلة أخي بن اليمامة .. ومأساة مؤلمة

وكان الله في عونك ........... دمت مبدعاً

[ابن اليمامة]

المشاركة الأصلية بواسطة rayaa

سود الليالي القاسية ..........أعانك الله يابن اليمامة
بوح ولا أروع ......لا تبخل علينا بجديدك ,,,,,,,,,,,,,دام نبضك ........كن بخير ...........ريا

اعان الله الجمـــيع
والحقيقة انها ليست لي ولا اعلم لمن
بل اعجبتني ونقلتها لكم

شكرا لك

[ابن اليمامة]

المشاركة الأصلية بواسطة داود

قصة جميلة أخي بن اليمامة .. ومأساة مؤلمة

وكان الله في عونك ........... دمت مبدعاً

كان الله في عون الحميع
مبدع كما عهدتك دومــــا
لك تحاياي وشكري