تبي الحقيقه مادورا وش تقولـون
انتم بعالم وهم فـي عالـم غيـر
يالي تسبـون الوطـن لاتسبـون
أهل الوطن دونه على الشر والخير
لاتحسبون أهل الوطن مايقومـون
لاقام اخو نوره صبـي المخاسيـر
حمايكم بالضيـق قبـل تخونـون
لولاه تدفنكـم هبـوب المعاصيـر
الي بظله عـن سهركـم تنامـون
نمتـم ونامـن البنـي الغنـاديـر
ترضون ماترضون لاعاد ترضون
ترضى النشاما ناطحين الطوابيـر
يرضون نـاسٍ فالقدايـم يعـدون
الي لهم في وقفة الضيـق تاثيـر
وانتم وراكم جعلكـم ماتعـودون
هفوا مهفة من غداله وراء بعيـر
ملعون بن ملعون والعظم مدهـون
يالي دهنت السير مايمشي السيـر
غاوين لو رحتـوا لمكـه تلبـون
نياتكم للشر ماهـي علـى خيـر
على اي اساس تطالبون وتصيحون
على اي اساس يموت مسلم بتفجير
ياما نثرتـم دم وابكيتـوا عيـون
حتى تعكر صافي الجـو تعكيـر
كم شايبٍ من شركم بات محـزون
خسر عيالـه والعيـال المخاسيـر
ياطيبكم مـن غربكـم تستمـدون
رحتوا على ماقيل يـاول ياطيـر
على بعضكم في بعضكم يضحون
بالله على اي اساس ياساير السيـر
ايام في ايدين الحكومه تطيحـون
عساء لكم في كل سكـه عواثيـر
حكامنا ال سعود مهمـا تقولـون
مطورين الناس والارض تطويـر
نرضى بهم وانتم عساكم ماترضون
روحو وراكـم ياطـوال الدناقيـر
هذا الكلام اللي نقولـه ومضمـون
حنا وراهم لـو تقـوم الطوابيـر
ملعون بن ملعون والعظم مدهـون !!!
النمط الشجري
