صحيح إن الشكوى ضعف... النزار المصري

[نزار المصري]

أفضل الدعاء*** ألحمد لله

السلام عليكم ورحمة الله وبركاته

***


صحيح إن الشكوى ضعف وأنا أعرفك ياولا

طول عمرك تتضرب وأنت صامد لاجبان ولا ضعيف

لكن كسر الروح يخلي الجبال ترتعش من الخوف

لكن بقولك ياصاحبي لاتنحني يوم لظالم وسيبك من التخويف


ياقاضي المظالم عمرك في يوم شفت مظلوم يبكي ويرتعش

أيوة يبكي ويرتعش

مش خوف من القاضي لكن ممكن الحقايق تتبدل

الخوف بقى من الضماير اللي ممكن تتغير لألف وش ووش

وعلشان القرش ممكن الناس تشوف النور ضلام

وناس حواه تلعب بالبيضه والمنجل


أبن الغازيه قليل الربايه بعد ماكسر للفتي كل القلوع

قالوه ياحقير أنت ماتعرفش أنا أبن مين

وبعد وجع الروح والدم بينزف من القلب قبل الضلوع

قالوه الفتى أيوة أنا مصمم بغباوتي أعرف أنت أبن أى واحد من الظالمين

قولي يالا أنت أبن مين..

أبن واحد من اللي مصوه دم الغلابه سنين وراه سنين

ولا أبن واحد من وراه فلوس الشعب مستخبين

علمونا زمان إن الحق مش ممكن يضيع طول ماوراه حد بيطالب

خليك ياأبن بلدي ورا حقك ولا يهمك مين مغلوب ومين غالب

***
للنزار المصري

*****
اللهم صل على محمد وعلى آله وصحبه أجمعين

وأفضل الذكر*** لا إله إلا الله