مساجلة بالشعر النبطي ( شاركونا )

[همس الأحاسيس]

بالله ياللي خذيتي الـروح رديهـا ## يكفيني اللي لقيته ماضـي سنينـي
ردي جروح تعـذر مـن يداويهـا ## والا اقسمي نزفها ما بينـك وبينـي

[غــيــث]

يا عل قلب ما شكا الحـب والتـاع *** تنهار من فوقـه محانـي ضلوعـه


يا ما نهيت القلب لا شك ما طـاع *** ما طاع يـد لـه والليالـي تلوعـه


أثر المولّع دمعتـه تجـرح القـاع *** وإلى ذكر ما فـات هلّـت دموعـه


يفـز قلبـي تالـي الليـل مرتـاع *** أخاف تبعد عن ربوعـي ربوعـه


الموت كان العرف عقب البطا ضاع *** والمنتحى يا سعود صعبٍ رجوعـه

[الشــــامخه]

هلا بريحة هلي والزين هلابك وانت عنواني
تعال وطمن قليبا غديت اليوم نهابه

هلا والف هلا باللي وطى الكايد علشاني
ارحب بك واهلي بك وقلبي فاتحا بابه

وهلا باللي اليالمست يده كل اشهب زاني
تشوف الارض مخضره وكل الورد بجنابه

انا لاجيت ارحبه واهلي يعجز لساني
وقام القلب بالواجب عن لساني وهلابه

[ابن اليمامة]

يا نوف حدتني عليه المقادير
وبيّنت له يا نوف جل اهتامي

وأرخصت لأجل ارضاه قومٍ مناعير
بالطيب طيب وبالكرامه كِرامي

وأهديت له روحي شهاده وتقدير
وبصمت له بالعشر حبّك لزامي

وصديت عن كل الوجيه المسافير
ونذرت له بالحب برد وسلامي

فرشت له درب المحبه نواوير
وأرخيت شريانٍ لشوفته ضامي

وأسْدَلْتْ له روح النوايا المغاتير
ورفعت قدره فوق كل الأنامي

يا نوف صد وراح من دون تبرير
يا نوف ما قدّّر غلاي وهيامي

ما يدري ايامي بدونه معاسير
عيّت عيوني من فراقه تنامي

ولا يدري ان الشوق ملعون ابو صير
كافر ولا يرحم عليه الحرامي

وجدي وجود اللي حياته تعازير
باليه وقته قبل سن الفطامي

ما شاف من دنياه غير المخاسير
ولاحدٍ صفطله من خوال وعمامي

تلعبّه الدنيا وتعكس به السير
يمشي ولا يدري بعكس النظامي

يا نوف راح وعذبتني المقادير
وصارت حياتي عقب نوره ظلامي

[الوافـــــي]

يا الله عسى ما تكره النفس خيره ... يا والي الدنيا عليك التدابير

[ابن اليمامة]

أحب التحدي واعشق انساك لو كنت ... انت الذي بيدك حياتي وذاتي
أفرح إلي صارت مسافاتنا صمت ... أنفيك وانفي بالندم ذكرياتي

[الشــــامخه]

يا روحي أحيا بك و حنّا غريبيـن
ما نيب أشوفك و انت يا روح ذاتي

في داخلي و أشكي معك لوعة البين
بعيد عني وانـت نبضـة حياتـي

يا لحظتي لو الزمن بيننـا سنيـن
و يا منوتي لو ما حصـل مناتـي

[ابن اليمامة]

اشوفهم كل يناااجي حبيبه
على ملامحهم تعااابير الاشواق

وانا غريب الداار روحي غريبه
هامت بليل ماكشف فيه برااق

[النورس_الحزين]

يا صاحبي هذا سلام وتحيات
مني لكم يا اللي على الطيب تمشون

يا صاحبي الك الوفا انت بالذات
يكفي انا لك طول العمر مديون

حب الكلام يموت لو عاش لحظات
وحب القلوب يعيش لو كان مدفون

[النورس_الحزين]

سنيني يم
وقلبي المركب المتعب وانت الريح
مجاديفي عذاب وهم
وزادي الوجد والتبريح
وصبري صبر بحّارة
بغوا في اليم محّارة
غشاهم موج كان من الغضب أغضب
وكانوا للهلاك أقرب
لولا كثروا التسبيح