العودة   حوار الخيمة العربية > القسم العام > الخيمة الساخـرة

« آخـــر الـــمـــشـــاركــــات »
         :: عمليات مجاهدي المقاومة العراقية (آخر رد :اقبـال)       :: الأربعون على مذهب المتحققين من الصوفية لأبي نعيم الأصبهاني2 (آخر رد :رضا البطاوى)       :: الأربعون على مذهب المتحققين من الصوفية لأبي نعيم الأصبهاني (آخر رد :رضا البطاوى)       :: قراءة فى كتاب خبر شعر ووفادة النابغة الجعدي (آخر رد :رضا البطاوى)       :: نقد كتاب الفوائد للأصبهاني (آخر رد :رضا البطاوى)       :: كورونا طالعه من بيت ابوها رايحة لبيت الجيران (آخر رد :اقبـال)       :: نقد كتاب التوسل بالنبي (ص ) والتبرك بآثاره (آخر رد :رضا البطاوى)       :: نقد كتاب السجود على التربة الحسينية (آخر رد :رضا البطاوى)       :: المغالطة الكبرى في دين النصارى ــ الجزء الثالث والأخير ــ (آخر رد :محمد محمد البقاش)       :: المغالطة الكبرى في دين النصارى ــ الجزء الثاني ــ (آخر رد :محمد محمد البقاش)      

المشاركة في الموضوع
خيارات الموضوع بحث في هذا الموضوع طريقة العرض
غير مقروءة 07-11-2007, 01:56 AM   #1
الفارس
عضو شرف
 
تاريخ التّسجيل: Sep 2005
الإقامة: مصـر
المشاركات: 6,964
Talking كـــلــــب الســــــت !!!

فى الزمالك
من سنين
وف حما النيل القديم
قصر من عصر اليمين
ملك واحده من الحريم
صيتها أكثر من الأدان
يسمعوه المسلمين
والتتر والتركمان
والهنود والمنبوذين
********
ست فاقت ع الرجال
فى المقام والاحترام
صيت وشهره وتل مال
يعنى فى غاية التمام
قصره يعنى هى كلمه
ليها كلمه فى الحكومه
بس ربك لجل حكمه
قام حرمها م الأمومه
والأمومه
طبع ثابت
جوه حوا من زمان
تعمل ايه الست
جابت
فوكس رومى وله ودان
********
فوكس ده عقبال أملتك
عنده دستة خدامين
يعنى مش موجود فى عيلتك
شخص زيه يا اسماعين
*********
واسماعين ده يبقى واحد
م الجماعه التعبانين
اللى داخوا فى المعاهد
والمدارس من سنين
********
حب يعمل واد فكاكه
يمشى حبه فى الزمالك
والقيامه والفتاكه
يرموا طبعا ع المهالك
********
عم سمعه من قيامته
حب يعمل فيها فله
بعد ما ألوظ بيجامته
اشترى حته مجله
قول مشى بيقرا فى حكايه
من حكايات الغرام
واندماجه فى القرايه
خلا مشيه مش تمام
*******
ع اليمين يحدف بعيد
خطوتين يروح شمال
لمحه فوكس من الحديد
قال دا صيد سهل حلال
هب نط فى كرشه دوغرى
جاب بيجامته لحد ديلها
اسماعين بدل ما يجرى
قال يا رجلى
رجلى مالها؟
بص شاف الدم سايح
من عاليها من واطيها
وياللى جاى
وياللى رايح
المجله مش لاقيها
*******
حبه واتلموا الظنايا
اللى هما البوابين
والحكايه والروايه
قال لهم
دا كلب مين
*******
كلب مين
ما كلب مينشى
سمعه لبخ حبتين
قال له واحد منهم
امشى
اللى جابك عنده مين؟
قال دا شارع يا مواشى
والجميع بيمر منه
اللى راكب
اللى ماشى
مستحيل نستغنى عنه
********
كلمه من دا
وكلمه من دا
ظاطوا واترسمت فضيحه
قول نهايته
القصد من دا
اسماعين أكل الطريحه
********
راحوا قسم الشرطة طبعا
والنيابه كفيله بيهم
واترموا فى الحجز جمعا
لما ييجى الدور عليهم
********
حبه والشويش أمين
قال سعيد النقشبندى
قام غريم عم اسماعين
:قال له
محسوبك افندى
قام سى سمعه يروح معاه
*********
الشاويش قال
غور بدمك
راح تعوصنى
وفوق قفاه
كف طرقع
داهيه ف أمك
تفتكر يفضل سى سمعه
قد ايه فى القسم نايم؟
استضافة الحجز جمعه
يا بلاش
آدى العزايم
*****
شاف بلاوى ما تتحكيش
م الديابه المسجونين
قال ياعالم
يا شاويش
يا نيابه
يامسئولين
خلصوه بعد المناهده
جثه من حجر الديابه
هى يمكن ساعه واحده
كان فى مكتب النيابه
قال له مالك يااسماعين
قال له زى البمب مالى؟
قال له عضك فوكس فين
قال له سيبنى اروح لحالى
انت شوف سى فوكس يمكن
خد تسمم
غصب عنى
الوكيل قال برضه يمكن
والشاويش
قعد يغنى
*****
انت فين والكلب فين
انت قده يا اسماعين
طب دا كلب الست يا ابنى
وانت تطلع ابن مين
بشرى لصحاب الديول
واللى له اربع رجول
بشرى لسيادنا البهايم
من جمايس أو عجول
اللى صاحبه يا جماعه
له غناوى
فى الاذاعه
راح يدوس فوق الغلابه
والنيابه بالبتاعه

__________________
فارس وحيد جوه الدروع الحديد
رفرف عليه عصفور وقال له نشيد

منين .. منين.. و لفين لفين يا جدع
قال من بعيد و لسه رايح بعيد
عجبي !!
جاهين
الفارس غير متصل   الرد مع إقتباس
غير مقروءة 07-11-2007, 01:58 AM   #2
الفارس
عضو شرف
 
تاريخ التّسجيل: Sep 2005
الإقامة: مصـر
المشاركات: 6,964
إفتراضي

من روائع الفاجومى ... حول كلب ام كلثوم من حوالى 30 عام

وكأن الزمان يعيد نفسه
__________________
فارس وحيد جوه الدروع الحديد
رفرف عليه عصفور وقال له نشيد

منين .. منين.. و لفين لفين يا جدع
قال من بعيد و لسه رايح بعيد
عجبي !!
جاهين
الفارس غير متصل   الرد مع إقتباس
غير مقروءة 07-11-2007, 07:54 PM   #3
زهير الجزائري
مشرف
 
تاريخ التّسجيل: Oct 2007
الإقامة: من قلب الاعصار
المشاركات: 3,542
إفتراضي

شكرا محمد هو انت ماتعرفشحد يعرف رقم شحيبر يكلم حد من المسؤولين يشغلنا خارج البلد

تحياتى
__________________
زهير الجزائري غير متصل   الرد مع إقتباس
غير مقروءة 07-11-2007, 08:15 PM   #4
الفارس
عضو شرف
 
تاريخ التّسجيل: Sep 2005
الإقامة: مصـر
المشاركات: 6,964
إفتراضي

إقتباس:
المشاركة الأصلية بواسطة زهير الجزائري
شكرا محمد هو انت ماتعرفشحد يعرف رقم شحيبر يكلم حد من المسؤولين يشغلنا خارج البلد

تحياتى



هههههههههههههههههههههههههههه

شحيبر ده كلب الريس مباشرة مش كلب الست

شحيبر يشغلك وزير وممكن محافظ بس انت هات رقمه




[LINE]hr[/LINE]

هذا الاسم محبب إلى النفس زهير عكارى - أبو طه - حبيب الملايين

زهير الجزائرى مرحبا بك بينا
__________________
فارس وحيد جوه الدروع الحديد
رفرف عليه عصفور وقال له نشيد

منين .. منين.. و لفين لفين يا جدع
قال من بعيد و لسه رايح بعيد
عجبي !!
جاهين
الفارس غير متصل   الرد مع إقتباس
المشاركة في الموضوع


عدد الأعضاء الذي يتصفحون هذا الموضوع : 1 (0 عضو و 1 ضيف)
 
خيارات الموضوع بحث في هذا الموضوع
بحث في هذا الموضوع:

بحث متقدم
طريقة العرض

قوانين المشاركة
You may not post new threads
You may not post replies
You may not post attachments
You may not edit your posts

BB code is متاح
كود [IMG] متاح
كود HTML غير متاح
الإنتقال السريع

Powered by vBulletin Version 3.7.3
Copyright ©2000 - 2020, Jelsoft Enterprises Ltd.
 
  . : AL TAMAYOZ : .