1. سجل في المنتدى بهدوء ومن غير هيصه
2. خد نظره عامه وشامله عن توجه المنتدى بشكل عام سياسى ؛رياضي ؛ فني ؛ فضايح ...إلخ إلخ
3. راقب ردود المشرفين وخصوصا المشرف العام أو المراقب العام أو القائد العام أو أي واحد إسمه العام أو ( السنه )
وإعرف هما مع مين
4. راعي في ردودك مواقف المشرفين وتبناها بغض النظر عن أرآئك الشخصيه وأكثر من ذكر أخي الحبيب أختي الكريمه
5. شوف مشرف أو إتنين وإتصاحب معاهم وضيفهم على المسنجر بتاعك وشوف كل مواضيعهم ورد عليها وقلهم إنك إستفدت جدا من هذا النقل المثمر والأفكار النيره اللي فيه ( طبعا لا نيره ولا حاجه )
6. إبدأ إتحمس بشده ضد أحد المعارضين للإشراف وصب عليه اللعنات والطعنات وزمجر في وجهه بالويل والثبور وعظائم الأمور إن لم يتب لله ويرجع عن ضلاله المبين
7. ألطش كم موضوع ديني من أي حته ( مش مهم تقراهم ) وإرزعهم في القسم الإسلامي
8. إنتهز أي فرصه لتقديم نفسك كداعيه سلام ومحبه ومحب للخير وأنك ذو نسب عريق وإبن عز وإنك شاب عندك 24 سنه وخريج هندسه وموظف في شركه محترمه وإكتب ملحوظه كده ( بدور على بنت الحلال ) وإرزع الإبتسامه التاليه جنبيها
9. حاول كسب تأييد المشرفيين في أي موضوع مفتعل مع ( أحدهم) وإعمل نفسك إن قصدك كان خير وهداية هذا العضو المفسد في الأرض
10. بعد شويه هتجيلك كم رساله على الخاص من أعضاء مهمين على الخاص ومشرفيين عاميين يدعون لك آناء الليل وأطراف النهار على مجهودك الجبار في محاربة الرزيله وربما طلبات إضافه على المسنجر
11. بعد شويه كمان ( أحدهم) هيرشحك للإشراف على قسم ( ما) بغض النظر إن كان الترشيح بناء على خلفية معرفيه بالقسم المرشح له أم لا ( المهم الراجل ده تبعنا ....قصدي تبعهم )
12. أخيرا بعد ما ينعم عليك أفندينا باللقب وتبقى ( بيه) قد الدنيا زبط نفسك بأه وإعمل أي منظر وزود مشاركاتك بإستشارة الشيخ جوجل قدس الله سره وإعمل فيها فاهم وإنك واقف ضد المؤامره الدوليه التي تحاك ضد المنتدى
وإلى اللقاء في إصدارنا القادم
( تعلم الإشراف العام بدون معلم )
النمط الشجري
