العودة   حوار الخيمة العربية > القسم العام > الخيمة الساخـرة

« آخـــر الـــمـــشـــاركــــات »
         :: عمليات مجاهدي المقاومة العراقية (آخر رد :اقبـال)       :: مأساة الحمار اللذي تاه في الشارع (آخر رد :اقبـال)       :: نقد كتاب حديث الضب (آخر رد :رضا البطاوى)       :: نقد كتاب مبلغ الأرب في فخر العرب (آخر رد :رضا البطاوى)       :: نقد كتاب الكلام على حديث امرأتي لا ترد يد لامس (آخر رد :رضا البطاوى)       :: نقد الكتاب أحكام الاختلاف في رؤية هلال ذي الحجة (آخر رد :رضا البطاوى)       :: نقد كتاب زهر العريش في تحريم الحشيش (آخر رد :رضا البطاوى)       :: نقد كتاب كرامات الأولياء (آخر رد :رضا البطاوى)       :: اصلاحات حكومية - شدة لاتحلين وقرصة لاتثلمين واكلي لما تشبعين (آخر رد :اقبـال)       :: نقد كتاب نخب الذخائر في أحوال الجواهر (آخر رد :رضا البطاوى)      

المشاركة في الموضوع
 
خيارات الموضوع بحث في هذا الموضوع طريقة العرض
قديم 20-08-2007, 01:11 PM   #1
maher
عضو شرف
 
تاريخ التّسجيل: Sep 2004
الإقامة: tunisia
المشاركات: 8,145
إفتراضي يوم من أيام صيف عام 2052 ( قصة ساخرة )


المكان أحد أحياء القاهرة ( حال عربي )
الزمان يوم من أيام صيف عام 2052
حفيدة في سن المراهقة (12 سنوات) تجلس مع جدتها (70 سنة) ويدور بينهما
هذا الحوار:

_____________________________

>الحفيدة: تيته ميرو إزيك..بقى لي زمان ما قعدتش معاكي
>الجدة: وهو أنا عارفة أتلم عليكي خالص.. ده أنا قاعدة زهقانة قوي ومش لاقية حاجة تسليني
>الحفيدة: ومابتفتحيش الدش(الصحن يعني ) ليه يا تيته
>الجدة: التليفزيون بقى ممل خالص مافيهوش غير 9700 محطة بس!.وأنا كمان
ما بعرفش أغير المحطات!
>الحفيدة: وإيه الحلاوة دي؟ حلو البادي اللي انتي لابساه ده..بس ده موضة
قديمة قوي ياتيته ! 1)
>الجدة : يا بنتي أنا ست دقة قديمة وبالبس زي ما جيلنا الصاعد اتعود
وحسب التقاليد القديمة بتاعتنا
>الحفيدة : أيوه بس مش حاسة إنك مخنوقة وانتي لابساه؟
>الجدة: أبداً ده هو ده اللبس المحتشم اللي مفروض الكل يلبسه ويحافظ عليه..فين أيام زمان لما كنا نلبس البادي اللي مبين البطن والظهر بس،
مع البنطلون السترتش الجلد …كانت حاجة آخر روشنة
>الحفيدة : ياه يا تيته.. ده انتوا كان ليكم تقاليد غريبة خالص !
>الجدة : وهو انتي فاكرة إن أيامكم دي أيام؟ يا بنتي أيامكم دي ما يعلم
بيها إلا ربنا .. فين أيام سنة 2002، هي الواحدة فينا كانت تستجري تشرب
سيجارة البانجو ولا تسحب لها سطر بودرة قدام أبوها؟ طب ده الدنيا كانت
تتقلب ساعتها وما تتعدلش .. أمال إيه .. كان فيه حاجة اسمها أخلاق
>الحفيدة: معقول يا تيته؟ للدرجة الفظيعة دي!!؟
>الجدة: أمال انتي فاكرة إيه .. وبعدين كانت الست من دول ما تلبسش اللبس
الخليع بتاع اليومين دول..يعني الجيبة كان ما يقلش طولها عن شبر وربع
وكانوا الستات يلبسوا فوقيها بلوزة باستمرار ..مش زي دلوقتي! حسبي
الله ونعم الوكيل!
>الحفيدة : يا خبر .. وإيه كمان ياتيته
>الجدة: ح أقول لك إيه ولا إيه يعني خدي عندك مثلاً .. زمان كنا نسمع
الطرب الأصيل لمطربين حقيقيين زي مصطفى قمر وعمرو دياب وطبعاً كانت
سيدة الغناء "شاكيرا"، وكانت الأغنية مدتها أكثر من دقيقتين متواصلين
من الطرب الأصيل والموسيقى الهادية الراسية اللي تعمر النافوخ بصحيح
كانوا مطربين روشين وآخر طحن، حسبي الله ونعم الوكيل!
>الحفيدة : وبعدين ياتيته
>الجدة : وبعدين كنا نسمع على حاجة اسمها اسطوانات ليزر، ودي صحيح
انقرضت، بس كان ليها طعم عن دلوقتي، يا سلام لما كنا نحطها في الووكمان
ونعلقها في حزام البنطلون كده ونمشي في الشارع كده، كانت أيام جميلة.
حسبي الله ونعم الوكيل!
>الحفيدة : حكاويكى ممتعة قوي يا تيته .. ثانية واحدة بس لما أصحي سمسم
صاحبي فى المدرسة لأنه بايت معايا في الأودة من امبارح ..أصل الإنسان
الآلي بتاع الصحيان بايظ ولازم نصلحه النهاردة
>الجدة: طيب ياحبيبتي روحي

(بعد عدة دقائق)


>الحفيدة: هيه يا تيته.. وبعدين
>الجدة : أحلى أيام بقى كانت أيام الدراسة، الفصل كان على أيامنا رايق
وعدد التلاميذ فيه ما يزيدش عن ستين سبعين تلميذة، وكنا ساعتها بنعرف
نفهم الدرس كويس مش زي دلوقتي، وكانت الشوارع أيامها فاضية يعني كانت
إشارة المرور تقعد ساعة إلا ربع بس لأن مصر كلها كان تعدادها 70 مليون
مش أكثر، تخيلي بقى الروقان اللي كنا فيه؟ حسبي الله ونعم الوكيل!
>الحفيدة : 70 مليون بس؟!!
>الجدة : أمال إيه .. عشان كده كانت كل حاجة رخيصة ، يعني مثلاً كيلو
اللحمة يوم ما يضربه الدم كان يبقى بخمسة وعشرين جنيه أو بتلاتين جنيه،
وكان أتخن جوز جزمة بـ 250 جنيه، وكان الواحد يقدر يشتري شقة تمليك بـ
150 ألف جنيه بس..وكان الدولار بخمسة جنيه بس تخيلي بقى؟
>الحفيدة : ما هو علشان كده الجواز على أيامكم كان سهل خالص، إحنا بقى
خلصنا من العُقد دي
>الجدة : أُمال إيه .. ده احنا الواحدة مننا كانت بمجرد ما توصل سن 17
سنة تبتدي تفكر في الجواز العرفى على طول، وما كانش عندنا الأفكار
الغريبة اللي بتعملوها دلوقتي، أنا شخصياً شايفة إن ده أوفر شوية، ده
احنا يا بنتي على أيامنا كان لا يمكن البنت تتأخر بره البيت عن الساعة
أربعة صباحاً، طب ده باباها كان ممكن ساعتها يخاصمها
>الحفيدة : ياي! ده انتوا كنتوا متزمتين خالص ياتيته !!!
>الجدة : يا بنتي إحنا اتربينا على الأخلاق والفضيلة والعادات والتقاليد
يعنى كان أهل الفن محتشمين جداً وكانوا دايماً يطلعوا بالمايوهات
البيكيني، والمذيعات كانوا يقعدوا جنب الضيف مش على ركبته زي دلوقتي..
هيـ يـ يـ يـ ـه الله يرحم دي أيام.. فكرتيني بالذي مضى حسبي الله ونعم الوكيل!

( تمسك الجدة بتليفون محمول في حجم علبة الكبريت)

>الحفيدة : ح تكلمي مين يا تيته
>الجدة : الحقيقة أنا كنت موصية الجزار على اتنين كيلو لحمة و اديته 600
دولار عربون وعايزة أطلبه أشوف إذا كانت اللحمة وصلت ولا لأ ..
>الحفيدة: (تنهض من مكانها) تشاو سي يو تيته!
>الجدة: سي يو

وبعد مرور عدة ساعات انتابت الجدة خلالها غيبوبة بسبب الشيخوخة

و في المساء دار هذا الحوار بين الجدة والحفيدة:


>الجدة: إنتي كنتي فين يا فتفت؟
>الحفيدة :أصل إحنا أخدنا الولد من الحضانة ..
>الجدة : ولد !! ولد إيه اللي أخدتوه من الحضانة؟
>الحفيدة : آه صحيح أنا نسيت أقول لك .. أصل أنا جبت ولد من سمسم صاحبي
>الجدة: يا بنتي مستعجلين على إيه مش لما تتجوزوا ؟ حسبي الله ونعم الوكيل!
>الحفيدة : يا سلام عليكي يا تيته.. إنتي عليك تحكيمات غريبة..طيب إيه
اللي يمنع نخلف من غير جواز أنا شخصياً عملتها ونفعت
>الجدة : مشكلتي إني ما باعرفش أزعل منك يا فتفت يا عكروتة ..وسميتوا
المحروس إيه بقى
>الحفيدة : سميناه (دوت كوم) ..
>الجدة : نعم .. دوت كوم؟? نظام هاي تك يعني؟ يعني لما تعوزي تنادي له
تدوسي (إنتر) ولا إيه بالضبط ؟
>الحفيدة : ها ها ها ها .. إيه الخفة دي يا تيته .. والله فكرة .. لما
أعوز أنده له أدوس إنتر .. ولما أحب أقول له روح أودتك أدوس (ألت و
إف4)
>الجدة: وأخدتوه من الحضانة وديتوه فين بقى؟
>الحفيدة : وديناه النادي الصهيوني بتاع الحي
>الجدة : النادي الصهيوني بتاع الحي؟
>الحفيدة : أيوه .. ده نادي جميل معمول برعاية كبار رجال الأعمال ..
وتحت رعاية وزارة الزراعة وده بيعلم الأطفال حاجات ظريفة خالص ومصاريفه
رخيصة جداً وبعدين الولد الكويس ممكن يبعتوه يكمل تعليمه في إسرائيل
على نفقة وزارة الزراعة أصل (ميدو يوسف والي) وزير الزراعة ده راجل
متفتح قوي. هه، أفتح لك التليفزيون يا تيته عشان تشوفي نشرة الأخبار

الحفيدة تضغط الريموت كنترول لنرى شاشة كبيرة بطول وعرض حائط الغرفة،
وتظهر صوت مذيعة مصحوبا بلقطات للأنباء تقول:


المذيعة : هاي شلة! إليكم عناوين الأخبار
--- واشنطن تتهم ليبيا بتفجير سفينة فضاء فوق كوكب المريخ
--- وزير الاقتصاد د. فريد يوسف بطرس غالي يصرح: إعدام الفقراء
هو الحل لخروجنا من عنق الزجاجة
--- موافقة مجلس الشعب أخيرا على خصخصة معبد الكرنك
((((((أخبار عربية: )))))))
---زهوة ياسر عرفات تطالب بانسحاب إسرائيل حتى حدود عام 2030،
وإعلان الدولة الفلسطينية في مايو المقبل
--- سيريلانكا والفلبين تطرد خمسة آلاف خادمة كويتية
---إسرائيل ترفض الإنسحاب من البصرة إلا بعد ضمان أمن
مستوطناتها في بغداد
--- اشتباكات على الحدود الإسرائيلية المغربية
--- امريكا ترفع عدد الحجاج لهذا العام الى 5000 مسلم
--- مجلس التعاون الخليجي يصرح بأن الهند خرقت اتفاقات المجلس
--- جامعة الدول الشرق اوسطية تدرس التوصيات الاسرائيلة بتهجير 5 ملايين عربي من اليمن
--- امريكا : يكفي المسلمين اذان واحد للصلاة في اليوم
--- السي آي ايه تتهم الشاب العربي توتي برقوق بالارهاب لاستعماله مناديل كلينكس بدون اذن مجلس الامن الدولي
--- الرئيس الامريكي : نمرود أهارون يصلي اليوم في الكنيس الاسرائيلي ويقول .. لا أدري لماذا العرب يحبون دخولالحمام بعد كل اجتماع ؟؟

(((((((أخبار الفن )))))))
--- زفاف المطربة صباح على حفيد الفنان الراحل راغب علامة
--- رئيس قطاع الإنتاج لم يستقر بعد على بطلة فوازير رمضان ويعقد
--- إجتماع مع السيدة توتي محمد صفوت الشريف وزيرة الإعلام الجديدة لمناقشة
هذه القضية
--- الفنان محمد هنيدي يهاجم نجوم الكوميديا الجدد
--- جوزيف سول حفيد مايكل جاكسون يجري العملية رقم 20123 لأنفه عصراليوم
--- تحيي اليوم المطربة العالمية سونو الدلوعة احدث اغاني البومها الجديد ( هشتكني يا معلم ) في فندق روزفلت بالرياض
(المذيعة: فينيش باي )
>الجدة: لأ بقى حسبي الله ونعم الوكيل فيكم فعلا! (يغمى عليها)
>الحفيدة : تيته..تيته!!






ونهاية
أتمنى أن لا نصل الى هذه المرحلة وان لا نكون كما قالت الجدة
فولولا الاماني لغابت الاحلام
لكم مني ارق التحيات وننتقل الان الى رأي الجمهور




مسرووووووووووووووق
__________________





maher غير متصل   الرد مع إقتباس
قديم 20-08-2007, 02:55 PM   #2
الشيخ
من كبار الكتّاب
 
تاريخ التّسجيل: Apr 1998
الإقامة: دزاير مون امور
المشاركات: 6,126
إفتراضي

بعد اطلاعي على القصة خرجت لبعض الامر و انا في الطريق اشتريت جريدة و اول ما وقع بصري عليها كان الموضوع يتكلم عن مصر و مستوى الفقر فيها... الارقام تقول ان نسبتهم الان 20 بالمئة منهم 3 بالمئة تحت عتبة الفقر و المخطط الموضوع 2007/2012 هو انزل النسبة الى حوالي 10 او 12 بالمئة و قياسا و حسابيا يعني انه في سنة2017//2019 سيكون الفقر قد اختفى من ام الدنيا و معه تختفي كل الامراض الاجتماعية فقد كاد الفقر ان يكون كفرا اي في سنة 2052 سيعيش المواطن المصري في رخاء و من تم فالقصة اعلاه من التلفيقات المغرضة للمعارضة لهذا وجب التنبيه
__________________
فعلم ما استطعت لعل جيلا . . . سيأتي يحدث العجب العجاب
إنهم أطفالنا إن شاء الله





http://mo3takal.blogspot.com/ قيد الانشاء

لذكرى السنونو المهاجر http://www.echaikh.7p.com
الشيخ غير متصل   الرد مع إقتباس
قديم 20-08-2007, 03:35 PM   #3
maher
عضو شرف
 
تاريخ التّسجيل: Sep 2004
الإقامة: tunisia
المشاركات: 8,145
إفتراضي



ايه تلفيقات

بس فقط لتصحيح المعلومة
الأسبوع الفارط على الجزيرة ملف عن مصر
مع الأسف و هذا يحز في النفس كثيرا
20 بالمية أغنياااااااااااااااااااااااااااء يعني أكثر من مليون جنيه
40 بالمية فقراء، يعني من اللي بنشوفهم في الأفلام القديمة، مش الجديدة، من الزوالية الكادحين للقمة العيش
40 بالمية تحت خط الفقر، يعني لا نشوفوهم و لا نسمعو بيهم، ربما لأنهم يعيشون في القبور
حيث اتضح أن ذلك خير حل لمشكلة السكن

حسبنا الله و نعم الوكيل
لكم الله شعبنا الحبيب
لكم الله

__________________





maher غير متصل   الرد مع إقتباس
قديم 20-08-2007, 03:45 PM   #4
الشيخ
من كبار الكتّاب
 
تاريخ التّسجيل: Apr 1998
الإقامة: دزاير مون امور
المشاركات: 6,126
إفتراضي

مصادرك الجزيرة و مصادري خدم السيد الوالي ....فمتى كان خدم السيد الوالي يكذبون ؟؟؟؟
__________________
فعلم ما استطعت لعل جيلا . . . سيأتي يحدث العجب العجاب
إنهم أطفالنا إن شاء الله





http://mo3takal.blogspot.com/ قيد الانشاء

لذكرى السنونو المهاجر http://www.echaikh.7p.com
الشيخ غير متصل   الرد مع إقتباس
قديم 20-08-2007, 04:03 PM   #5
maher
عضو شرف
 
تاريخ التّسجيل: Sep 2004
الإقامة: tunisia
المشاركات: 8,145
إفتراضي

إقتباس:
المشاركة الأصلية بواسطة الشيخ أبو الأطفال
مصادرك الجزيرة و مصادري خدم السيد الوالي ....فمتى كان خدم السيد الوالي يكذبون ؟؟؟؟

غلبتني
__________________





maher غير متصل   الرد مع إقتباس
قديم 28-01-2009, 10:39 PM   #6
محمود راجي
عضو مشارك
 
تاريخ التّسجيل: Nov 2008
الإقامة: أكناف بيت المقدس
المشاركات: 542
إفتراضي

حمييييييييييييييييل جداً
جديرة بالتجديد!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!
__________________
**********
كن كالنخيل عن الاحقاد مرتفعا ::: يلقى بصخر فيلقى اطيب الثمر


محمود راجي غير متصل   الرد مع إقتباس
المشاركة في الموضوع


عدد الأعضاء الذي يتصفحون هذا الموضوع : 1 (0 عضو و 1 ضيف)
 
خيارات الموضوع بحث في هذا الموضوع
بحث في هذا الموضوع:

بحث متقدم
طريقة العرض

قوانين المشاركة
You may not post new threads
You may not post replies
You may not post attachments
You may not edit your posts

BB code is متاح
كود [IMG] متاح
كود HTML غير متاح
الإنتقال السريع

Powered by vBulletin Version 3.7.3
Copyright ©2000 - 2019, Jelsoft Enterprises Ltd.
 
  . : AL TAMAYOZ : .