مساجلة بالشعر النبطي ( شاركونا )

[غــيــث]

هذي جزاتي منه هذي عطايـاه ** ما ظنتي من حب ينسى عشيره

ماني بقايل له عسى الله يبلاه ** الله يسهل له دروبـه وسيـره

[على رسلك]

هلا هلا صدقا بليا محالي ::: بلي لفانا مرحبا به تراحيب
ترحيب محبوب يرحب بغالي ::: من خاطرة لا فيه شك ولا ريب
ترحيبة عد الحصى والرمالي ::: ممشوطة بالمسك والعود والطيب

[الصوت الرخيم]

بذمتك ما فيك لصاحبك شوق000 بذمتك ما ضامك البعد واضناك
انا اشهد ان الشوق لك ساقني سوق000ما عاد فيني عرق الا وناداك
تعال يا ياللي بالغلا منزلك فوق000مافي كل البشر عندي احد يسواك

[مستبشر الساحات]

كان الرجال اللي مضوا يصدقوني :::: وحدك ولا خوة مغاريف الانجاس

[الصوت الرخيم]

سحاب الدمع على الذكرى يهل000 والعين عيا لذيذ النوم ياتيها

[على رسلك]

انا بليت بحـــــــــبكم من هبالي :: والا انت ظل مالنا فيه مقيال

خيرك لغيري والشقى والعنالي :: والمشكل اني عارف كل الاحوال

ارمي بروحي في بحرك الزلالي :: وتنسفني امواجك على يابس الجال

[مستبشر الساحات]

لاشك تحتاج المراجل شفاليت::تحتاج شي يقصر النذل دونه

[الصوت الرخيم]

هو عزوتي هو فرحتي هو دوايه000 هو اللي من بد خلق ربي اداريه
وش عاد تنفعني علوم وسوايه0000لا من فقدته من اللي عندي يساويه

[مستبشر الساحات]

هلا بالجواب اللي لفانا من الروسان::::عددماانتثر من صادق الغيم وداني

[الصوت الرخيم]

يا عين هلي صافي الدمع هليه 000والى انتهى صافيه هاتي سريبه
ويا عين شوفي زرع خلك وراعيه 000شوفي معاويده وشوفي قليبه
يا من له الخاطر شفوق يراعيه000 اتبع هوانا وغيرنا وش تبي به
اللي يدارينا ترانا نداريه 000واللي تنكر جعل ربي حسيبه
اللي يبينا عيت النفس تبغيه 000واللي نبيه عيا البخت لا يجيبه
000نوره الشرهان000