خــذيني إذا عجـبتك
خــذيني إذا عجـبتك ، بس رديــــني
وإن ما عجبتك خلاص خذيني ما بيني
ما دامني شفت فيك الطــهر والعفــة
بعيــف نفسـي ليــــا منك كرهتيــــــني
خذيني لو أُعتبر من ضــمن أشـيائك
وانــا بحـبك ، ولا لازم تحبيـــــــــــني
لا ابي علاقـة ولا ابي نظرة وبسمة
إحســـــــــــاسي اني بقربك بس يكفيني
لو إني أنظفت لأشـيائك غصب عنك
طلي علي يا غنـــــــــــاتي ، لا تخليني
تراي لا جاء المصــامد ما ني بـهين
تقول كن العــــــــــــــرب لعبة بــ يديني
شـخصيتي من غرابتـــــها وطيبتــها
كن الزمن في تحـــــــــــدي بينه وبيني
أخذيني الشاعر اللي ما صدق حضه
لا قلت : يا حض وينك ، قال : يـا ويني
أخذيني المبــدع المتفلسـف التحــــفه
هموم (ن) وتضحك على العالم شياطيني
شُهرت شكسبير و أفـلاطون ونيـوتن
لا قـلت لي بيت شعر ، تطيــح من عيني
أخذيني العنصر اللي صدق متعنصر
من دون ربــــــــــعي لو أقطّع شراييني
أخذيني اللي إذا منه طَـلب يُــــــعطى
وتكفيـــــــــــن لامني طلبتك لا ترديني
تكفيــن يا غـــــــايتي يا بهجة الدنـيا
أبحرق قلـــوب ناس (ن) ما تدانيــــــني
أخذيني بكل شـــوق وقــــولي أحـبه
وإن شـــككوا فيك وإلا فيْ ضميــــــني
قولي ( سعد ) والله أنه غـاليٍ جـــدا
ويا جعل فدوه شــــــــبابي وآخر سنيني
وأنا بصــدق كلامك واعتـــــنز بالله
وأقول للنـــــــــــــــاس ما يعنيك يعنيني
وأنا علي نذر ما أرخص جيتك وانتي
نذر على رقبتك أنك ما تخــــــليني
للشاعر / سعد علّوش