روح الكهف وسجل اسمك فى الرقيم..؟

[الشيخ عادل]

أيها الإخوة ،،، أيها الأحبة ،،،

إني والله أحبكم في الله؛

(وأسأل الله جل جلاله أن يجمعنا بهذا الحب في ظل عرشه يوم لا ظل إلا ظله، اللهم اجعل عملنا كله صالحًا، واجعله لوجهك خالصًا، ولا تجعل فيه لأحد غيرك شيئًا)

اليوم الجمعه ونقرأ فيه سوره الكهف وحبيت ان اغوص شويه مع الفتيه الذين هربوا الى الكهف واتبحر فى علاقه الرقيم بالكهف..؟

أَمْ حَسِبْتَ أَنَّ أَصْحَابَ الْكَهْفِ وَالرَّقِيمِ كَانُوا مِنْ آيَاتِنَا عَجَبًا (9)

طيب نخش فى موضوعنا اليوم:

نحن نعلم ان القران يوجد به نوعين من القصص :

1-ققص انبياء وكلنا نعرفها

2- فصص اشخاص عاديه ليسوا بانبياء مثل:

ذو القرنين ..اصحاب الجنه ..اهل الكهف .ومريم ..اصحاب السبت ..وغيرهم ..

ونحن نعلم ايضا ان حياه البشر منذ بدء الخليقه وحتى الان مليئه بملايين القصص..

كل واحد وواحده منا له او لها قصه فى حياته
لكن ربنا سبحانه وتعالى اختار من هذه القصص حوالى 30 قصه وانزلهم فى كتابه الى البشريه..؟

ولكن ماذا يوجد بهذه القصص ..؟

يعنى ايه الاسرار التى تحتويها هذه القصص..؟
كانها الاسرار التى سوف تحتويها الى يوم القيامه ..هى صحيح قصص من الماضى ولكن الماضى المستمر ..
انتم فاهمين اللى اقصده ..بمعنى تانى ان القصص دى عامله زى المرايات وانت كل شويه سوف ترى فى نفسك القصص دى ..واختنا تقول اه القصه دى بتحكى عنى انا ..

30 قصه يوجد بهم اللى حايمر بالجنس البشرى لحد يوم القيامه ..؟
دى كانت مقدمه لموضوعى اللى عايز اكتبه ..

حاتكلم عن قصه شباب ..فتيه..كلنا عارفينهم. ولكن لم نذهب معهم الى كهفهم...
وسوف اقسم قصتهم الى 3 مراحل و3 معانى لازم يكونوا فى حياه كل منا :

1- لا تستهين بنفسك وخلى عندك امل فى الله ..انت تقدر تعمل حاجات كتير لدينك

2- لما تضيق بك الدنيا ااوى الى الله

3- سجل اسمك فى الرقيم قبل ما تموت
وناخد المعنى الاول

ايها الشاب اياك ان تستهون بنفسك وتقول يعنى انا اللى سوف اعز الاسلام .يعنى انا اللى حا اصلح الدنيا .ياعم انا طالب غلبان..اوعى تستهون بنفسك خلى عندك امل فى الله ..

انت تقدر تعمل كتير..بنى ادم واحد ..وجه واحد يعمر ويصلح
ربنا يصلح عشانه الدنيا كلها ..ويغير له نواميس الكون

سبع شباب ..سبعه بس ..عندهم كام سنه.. انهم فتيه يعنى 14 اى 16 سنه

سَيَقُولُونَ ثَلَاثَةٌ رَابِعُهُمْ كَلْبُهُمْ وَيَقُولُونَ خَمْسَةٌ سَادِسُهُمْ كَلْبُهُمْ رَجْمًا بِالْغَيْبِ ۖ وَيَقُولُونَ سَبْعَةٌ (22)ولكن الغالب ايه سبعه

واحد يسالنى ويقول لى يعنى ربنا غير نواميس الكون عشان سبع شباب.لا هم انبياء ولا من الصحابه ولا من حوارى عيسى ؟؟؟؟

اقول لك اه..

وَتَرَى الشَّمْسَ إِذَا طَلَعَتْ تَزَاوَرُ عَنْ كَهْفِهِمْ ذَاتَ الْيَمِينِ وَإِذَا غَرَبَتْ تَقْرِضُهُمْ ذَاتَ الشِّمَالِ وَهُمْ فِي فَجْوَةٍ مِنْهُ ۚ ذَٰلِكَ مِنْ آيَاتِ اللَّهِ ۗ مَنْ يَهْدِ اللَّهُ فَهُوَ الْمُهْتَدِ ۖ وَمَنْ يُضْلِلْ فَلَنْ تَجِدَ لَهُ وَلِيًّا مُرْشِدًا (17)

ربنا سبحانه وتعالى امر الشمس الا تؤذيهم

مش كده وبس ده كان رحيم بيهم وحنين عليهم كمان ..شوف عمل معاهم ايه ..؟

وَنُقَلِّبُهُمْ ذَاتَ الْيَمِينِ وَذَاتَ الشِّمَالِ ۖ (18)

عارف يعنى ايه نقلبهم .؟
انت عارف انك بتتقلب حوالى 30 مره فى الليله وانت نايم ..طب ليه ..؟

اصل الهيكل العظمى لجسم الانسان بيضغط على العضلات والعضلات تضغط على الاورده اثناء النوم فتسبب الم فتضطر انك تتقلب ..طب لو ما اتقلبتش يحصل ايه ..؟

يحصل ضغط والم و حاجه اسمها قرحه السرير
طيب اللى فاقد الوعى او غير قادر على الحركه يعملوا فيه ايه.؟

بيقلبوه ..ربنا سبحانه وتعالى عشان يحافظ عليهم بيقلبهم 309 سنه ..ياه هما غاليين على ربنا كده ..؟
احسب معايا ربنا قلبهم كام مره احسب كده 30 * 360 *309
نقلبهم دى تريك ان ربنا يرعاهم 309 سنه..انتى عارف ان الايه دى فى حد ذاتها منتهى الحب من الله لهم ..

وارجع واقول هما برضه شباب مثلك ومثلها

اتوا بعد المسيح ب 150 سنه ماتو 300 سنه واستيقظوا قبل بعثه النبى صلى الله عليه وسلم ب 150 سنه.
يعنى هما كانوا فى الفتره اللى بين سيدنا عيسى وسيدنا محمد ..

الخلاصه انى عايز اقول ..
لو ربنا لقى فيكى صدق ..لو انتى جاده ولو انت جاد مع ربنا ومستعد تضحى وعايزه تعملى حاجه لدينك...
انهم وضعوا فى مفارق طرق..

هل تعلموا لماذا سميت السوره بالكهف ..؟

كان ممكن تسمى باهل الكهف . والسوره فيها اربع قصص اخرى الكهف ..؟

الكهف هو مفارق طرق ...لو اتى عليك يوم اضطررت فيه ان تختار ..
بين رسالتك ولا تروح للملك الظالم وتستسلم ليه وخلاص..

كل واحد فيكوا حا يوضع فى مكان الكهف ..كل واحد فيكوا سوف ياتى كهف فى حياته عشان يختار ..
شغلك ولا الحق
فلوسك ولا الحق
زوجتك واولادك ولا الحق

فكأن ربنا يقول لك اختار الكهف..خذ الكهف...
قلد الشباب دول هم عندهم 16 سنه بس يا ريت نبقى مثلهم .؟
يحصل ايه لو اخترت الكهف ربنا يغيرعشانك نواميس الكون

عايز اقول لك احمل رساله ..عيش للناس كفايه بقى تعيش لنفسك ..؟

عيش للاسلام وصلح فى الارض وشوف ربنا حا يرعاك ازاى..

احمل حاجه تقابل بيها ربنا . حبب الناس فى ربنا ..احمل وشيل
اعملوا بالنيه .اعمل خير للناس خليك زى السبعه دول .؟

انهم فتيه امنوا بربهم...انت فين منهم ..دول تركوا بلادهم وكانوا بيساعدوا الفقراءوالمساكين
يا اخى عيش للناس احسبها صح؟
ما تقول انا واولادى ومن بعدى الطوفان ..؟
الطوفان لو جه حاياخد اولادك معاه ..قلد اهل الكهف ..وقول لاولادك.

اتعلم ان الكهف لو اتى بخاطرك يكون معناه ايه .؟ اكيد خوف.. ظلام.. مجهول ..
لكن تخيل ان الكهف ده مكان كله سكينه عجيبه وراحه رحمه..

عشان كده ربنا بيقول لهم ( فَأْوُوا إِلَى الْكَهْفِ..)

يا اخوانا اللى منكم ذهب لزياره الكهف بالاردن يجد مساحته حوالى 90 متر وعاشوا به 309 سنه

والعجيب انك تجد هناك ناس عايشه فى شقق مساحتها 300 متر ومش سعداء ..

وعندهم احساس ان الدنيا ضيقه

ولكن لو رحت وزرت الكهف ده فى الاردن تحس برحمه وسكينه وراحه لان كله رحمه انك سعيد لان كله رحمه

وتانى اقول لك اوعى تستهون بنفسك..فالانبياء والصالحين كانوا بشر مثلنا عادين ولكنهم تحكوا لاصلاح وتعمير الارض

اقف هنا عند المعنى الاول وفاصل لنتواصل
وللحديث بقيه ..انتظرونى

[الشيخ عادل]

ايه رأيكم نكمل سوا الموضوع

المعنى التانى هو :

لو متضايق ..مكروب..مهموم .. روح لربنا لو ربنا اواك ما تخاف... معنى ايمانى ..

فاووا ..

شوف كلمه اووا .. عارف يعنى ايه اووا ..عارف الحضن اللى بيضمك ..

حد يتخيل ان الكهف الذى الذى بداخله الخوف والظلمه يبقى حضن ..

روح لربنا يأويك...
ياجماعه ياما ناس عايشه فى قصور وبلا ماوى..
وياما ناس فقراء عايشين فى عشش فى منتهى الايواء ..

الايواء مش بالمساحه.. الايواء من عند ربنا هو اللى بياويك ...

شوفوا ربنا بيقول ايه ..(الم يجدك يتيما فاوى )

اهى اووى دى وجدت فى القران ثلاث مرات..

فى يوسف ..(اووى اليه ابويه..) ..
وجت فى الكهف.
عايز اقول للستات ايه لو الدنيا ضاقت عليكى وزوجك او اولادك مضايقينك قوى اووى الى الله ..

..(..فَأْوُوا إِلَى الْكَهْفِ يَنْشُرْ لَكُمْ رَبُّكُمْ مِنْ رحمته..)

الكهف ضيف ولكن من الضيق ده يتحول الى رحمه ..

هو مش غار حراء كان ضيق شوف انتشرت منه رحمه قد ايه ..؟
هو مش غار ثور كان غار صغير ..هو مش الصندوق اللى وضع فيه سيدنا موسى كان صغير .

شوفوا الرحمه اللى والخير للبشريه الذى انتشرت منهم

المعنى اللى عايز اقوله لكم فى سوره الكهف لوضاق بك الحال روح لربنا

ولما تقفل بشده ما تزعل افرح قول ده عايزنى اروح له اكتر وابكى بين ايديه

بالذات انتوا يا ستات لما تحس انك ضعيفه ولا يوجد احد بجانبك ابحثى عن الكهف

انتوا عارفين اول حاجه عملوها الفتيه وهم داخلين من باب الكهف .ايه ..؟

الدعاء ..

( إِذْ أَوَى الْفِتْيَةُ إِلَى الْكَهْفِ فَقَالُوا رَبَّنَا آتِنَا مِنْ لَدُنْكَ رَحْمَةً وَهَيِّئْ لَنَا مِنْ أَمْرِنَا رَشَدًا 10)

والله يا جماعه لو رحتوا الكهف تلاقوا فى رحمه ..ربنا يطلع من قلب الضيق رحمه وسعه وخير

نخش على المعنى الثالث..

انتم تعلمون ان الفتيه كانوا بيدعوا الناس وبيصلحوا فى البلد وبيكلموا الناس لفعل الخير ويساعدوا الفقراء ويعملوا للناس مشروعات ويساعدوا الاسر المسكينه

دى كانت وظيفتهم لانهم مش قادرين يكلموا الناس عن الله لان الملك كان مانع التوحيد ويحارب الدين فكانوا يساعدوا الناس لغايه الناس ما يثقوا فيهم فيقولوا لهم قولوا لا اله الا الله تفلحوا..

ولكن للاسف بعد كل هذا المجهود المبذول للوصول الى هدفهم و يقولوا للناس انهم موحدين انكشف امرهم

ممكن اسأل سؤال ..؟

لو واحد منكم كان مكانهم وبعد كل التعب ده ودعوه الناس ويضيع كل المجهود وما تقدر توصل رساله ربنا ..وتقول ليه يارب ده احنا كنا خلاص قربنا من الناس ..
ياه كله حايضيع وتنتهى الرساله وينكشف امرك ..
وتحس ان كل اللى عملتوا حا يضيع وحا تهرب للكهف تعمل ايه ..؟

اصل يا جماعه انتوا مش فاهمين ..
ربنا ساعات يقول لك انا مش حاجيب النصر من الطريق اللى بذلت فيه الجهد ولكن انا حاجيبه من سكه تانيه خالص ..
انت مش عملت اللى عليك واديت رسالتك ..اه.. اصبر لان ربنا يحب النصر ياتى من عنده لان النصر لو اتى من عندك ياتى لك غرور وتقول انا اللى عملت..النصر ده..

انت تبذل مجهود لانك مامور من ربنا بكده لكن كيف ياتى النصر ليست مسؤليتك.؟

فاكرين النبى والطائف..النصر ما جه من الطائف ولكن جه منين ..من المدينه..؟
النبى صلى الله عليه وسلم رايح يكلم اهل الطائف مين اللى يسلم اهل المدينه..

رايح يكلم كبار القوم ..مين اللى يسلم عداس.اللى عمره 12 سنه

رايح يكلم الانس ..مين اللى يسلم الجن وهو فى الطريق

كأن المعنى انه ليس لك من الامر شئ .هو ده بالضبط اللى حصل مع اهل الكهف.

اختفائهم المثير ..الناس بتسأل عليهم.اين ذهب الشباب اللى كانوا بيساعدونا .وضحوا من اجلنا

وبيعملوا لنا الخير ..وعرفوا انهم كانوا مؤمنين وموحدين .

يبقى انتوا يا شباب عملتوا اللى عليكم..انتم بذلتم جهدكم ..امرهم الله ان يناموا 309 سنه..

لان نومكم هو اللى حا يصحى الناس..؟

فاصبح نومهم انفع من استيقاظهم ..سبحان الله

وانتشر الدين اكتر خلال ال 309 سنه مما لو كانوا صاحين..
واخذوا الثواب ده وهما نايمين تصوروا..

ولذلك بعد لما صحيوا وقاموا وجدوا كل الناس اسلموا وامنوا بالله ..
اعمل الخير وسيب الاجر على الله ...
عشان كده تلاقى الايه دى جميله قوى بتقول ايه ..

( أَمْ حَسِبْتَ أَنَّ أَصْحَابَ الْكَهْفِ وَالرَّقِيمِ كَانُوا مِنْ آيَاتِنَا عَجَبًا (9)..

ما هو الرقيم ..ولماذا ذكر مع الكهف..؟

الرقيم هو لوح من الخشب او المعدن حفر الناس عليه اسماؤهم عندما اختفوا عشان الناس ما ينسوهم لانهم كانوا بيحبوهم وبيوصوا اولادهم يكونوا مثلهم

اعمل الخير وربنا حا يخلد ذكراك فى الرقيم

الرقيم ياجماعه .انتم فين من الرقيم

اعمل الخير وما تقول راح ما فى شئ بيضيع عند ربنا

حط اسمك فى الرقيم.. نفسك تموت ويفضل اسمك كل ما الناس تجيب سيرتك تفتكرك لك ..؟

قول لى عملت ايه ..؟

فيه ناس يمشوا من الدنيا وما حد يفتكرهم
وفى ناس سايبين بصمتهم فى الصخر . ويقولوا الله يرحمه كان .بيساعدنا ..وكان وكان

تخيل الجنازه بتاعتك والناس ماشيين وراك كل واحد حا يقول عليك ايه ..؟

الرقيم موجود ماتخفش اعمل الخير

احفر اسمك بسرعه فى الرقيم .
اختم موضوعى والخص لك القصه كلها فى 3 حاجات

لا تستهين بنفسك بعد ما تقف فى مفارق الطرق

لما الدنيا تقفلوتظلم أاواى الى الله

سجل اسمك فى الرقيم قبل ما تموت


اللهم اجعلنا من أحبابك الذين ارتضيت منهم نياتهم وأعمالهم وتكفلت بثوابها لهم ....

وارحم أحبابك الصادقين في كل أرض وتحت كل سماء ...

اميييييييييييييييييييييييييييين

[سلفيوم]

وهذا تنبيه لصاحب الرد

الوافي

[محمد الحبشي]

موضوع أكثر من رائع شيخنا الحبيب ..

أسلوبك شدنى فلم تتحول عينى عن الموضوع حتى انتهيت منه رغم تأخرى ..

بارك الله فيك وهنا قضيت وقتا ثمينا أسأل الله لك به الأجر ..

وكل عام وأنتم بخير ..

وللطاوس أقول : إتق الله فإنك لن تبلغ من شيخنا إصبع قدم ..

[سلفيوم]

المشاركة الأصلية بواسطة قوس المطر

..

وللطاوس أقول : إتق الله فإنك لن تبلغ من شيخنا إصبع قدم ..

ياقوس خلينا على احترام ولاداعي لمثل هذها المصطلحات لإنها سهلة الأستخدام ..
وبعدين انا مع الحق ومازلت عند رأيي ×××××××× ..

هناك تنبيه لك في الرد رقم 3

الوافي

[SNDBAD2009]

اللهم ارحم موتانا وموتا المسلمين