ان الحمد لله نستعيذه ونستهديه ونستغفره من يهديه الله فلا مضل له ومن يضلل فلا هادى له واشهد ان لا اله الا الله وحده لا شريك له واشهد ان محمد عبده ورسوله اللهم ما صلى على محمد وعلى اهل محمد كما صليت على ابراهيم وعلى اهل ابراهيم انك حميد مجيد
اخوتى فى الله انا احبكم فى الله
اللهم ما اهدى امه حبيبك محمد صلى الله عليه وسلم
اخوتى فى الله اريد ان اكتب لكم اليوم عن ظاهره خطيره جدا تملاء المجتمعات هذه الايام الا وهى ظاهره القلق..
وكثره الكلام فى التليفونات والمحمول تنم عن كثره القلق .. صح ..؟
كثره العيادات وزياره الاطباء وكثره الامراض المفاجئه تنم عن حالات القلق...
كتير من الناس لما تسالهم .مالك .؟
يقول لك: ما اعرفش
طب قلقان ليه .مهموم ليه ..يقولك ما اعرفش..؟
طيب عايز فلوس ..يقول لك الخير كتير والحمد لله
طيب عايز تتجوز ..يقول لك تانى يا عم الشيخ ...؟
ده واحد ماهو عارف هو ليه قلقان
مغموم.. حزين... مضايق... قرفان ...زعلان...
بعض الناس تهرب من ده كله وتروح المسارح والسينمات علشان تضحك ساعتين ثلاثه بس برضه مش بيضحك من قلبه .
والبعض الاخر يقول اروح المصيف او البحر اغير جو ..
وبرضه من جواه تلاقيه مش مبسوط والاخر يتعاطى المخدرات ..وغيره ...
بصوا يا اخوانا بقه علاج المرض ده مش حا تلاقوه عند اى حد ولا احسن الاطباء النفسين
لا . لا مش ده العلاج خالص
العلاج موجود عند واحد بس ...؟
عرفتوه ... اه ...عند ربنا
احبتى فى الله ما زلت اقول لكوا والله انى احبكوا فى الله
اعلموا ان الانسان مكون من :
حفنه تراب ونفخه روح ..اوضح ماشى
ويسالونك عن الروح قل الروح من امر ربى.
مجرد ما الروح تنسجب منك تبقى عامل زى ايه
شاسيه السياره لما بتشيل منها الموتور يبقى حته صفيح
والجسم اللى هو التراب ده بيجوع فحضرتك تاكله من ايه من تراب..لان جميع الاغذيه مكونه من التراب
والروح كمان يا ناس بتجوع وبتتعب ..وروح الانسان احيانا بتصرخ لانها عايزه تاكل..اكلنى ..اطعمنى .اسقنى
ودايما بتصرخ وحضرتك مش حاسس بيها لانك بتشتغل فى اليوم 15 ساعه ..
وال 9 ساعات الباقين
فى حل مشاكل ونوم وهموم مش عارف ايه فمش فاضى لروحه ياكل ويشرب ويغير العربيه والموكيت والموبيل ويمكن الزوجه ..والشقه وبرضه قرفان ليه ؟؟؟
لانه ناسى ان اللى بيصرخ هى روحه ...
الروح يا اخوانا من امر الله فمحتاجه لامر الله ..
اه ..لو اعطيت لكل واحد منكوا صينيه وقلت له حط لى اللى فى دماغك فى الصينيه دى ..
تلاقى هموم تكسف صح ..؟
انا عمال ادور فى الصينيه دى واقلب فيها وبابحث عن الله مش لاقى .. فين هم رضا الله ..؟
مش لاقى ..مش لاقى الهم ده راح فين ..؟
انا شايف كل الهموم ....
انا شايف هموم تكسف...هم رضا الزوجه..هم الفلوس والمدير والصديق والشغل والموبيل والسيراميك والثلاجه والغلاء.. والتاسعه مساء ..والكوره ..و
فين يا بنى هم الاخره ....؟
انا عايزك تفكر لو جالك ملك الموت دلوقتى حالا بيدور عليك ..انتى ..ايوه انت .
لو مت انتى دلوقتى لو قبض روحك الان ..
ياترى تلاقى ربنا راضى عنك ايه رايك ..؟
لو قابلته الان حا تلاقيه راضى عنك ولا غضبان منك .. اه ...اه ...
يوم ما يحطوك فى القبر..اه...انتوا ما تعرفوش اول ليله فى القبر شكلها ايه...؟
عارف لو رحت تنام عند حد ليله ...ما يجيلك نوم ...؟
اصلك لما بتغير نومتك ما يجى لك نوم امال فى القبر حا تعمل ايه ...؟
ياترى جليسك حا يبقى العمل الصالح ولا العمل السيئ ..
ياترى حا يفتحوا لك باب من الجنه ولا باب من النار ..؟
انت محتاج تحمل الهم ده ..الهم ده هو اللى يزيح.. ينظف.. يطهر ..لانك ساعتها لما تحمل الهم ده حا تبدا تشوف طريق لتامين مستقبلك ..؟
مش مستقبلك فى الدنيا ...؟ لا ؟ ....مستقبلك فى الاخره ...
شويه صلاه زياده ..صوم اتنين وخميس وشويه قران زياده .. عمره ..حج شويه زيارات
شويه ذكر لله ..حا تبدا تعيش صح ..
طيب ده واحد مش عارف هو قلقان ليه ...
نروح لواحد تانى يقول لك : هو فيه ايه فى الدنيا ما يقلق... فلان نام صبح عنده شلل نصفى ...
وفلان جاء له جلطه... وفلان كان ماشى صدمته سياره مات... وفلان جاء له فشل كلوى..
فيه ايه ما يقلق ياعم الشيخ ..؟...ده واحد قلقان على صحته
وواحد تانى قلقان من زوجته ..يقول لك اصلها مدوخانى.ومطلعا عينيه ومغصه عليا عيشتى .
وواحد تانى قلقان من الاولاد ..يقول لك :العيال انا مولع صوابعى العشره شمع ومش عاجبهم بيقولوا لى هو انت اب انت ...؟هو انت عملت لنا ايه ..؟
وواحد تانى قلقان من الشغل ..الشغل .ربنا يتوب عليا من الشغلانه المهببه دى ..؟
وهكذا قلق من الشغل..قاقان على الفلوس ...قلقان من الزوجه ...والاولاد ..قلقان على الصحه ...؟
وسبب القلق الاول والاخير هو انك ..عارف ..اقول لك ..
هو انك لا تحب الله ....
ايوه ما بتحبوش ..؟
واحد يقول لى مين قال ليك ان ربنا لا يحبنى ده بيحبنى قوى ..
اقول له طب عرفت منين انه بيحبك ..
يقول لى ده اعطانى فلوس كتير ...
اقول له طيب ربنا اعطى الكفره والمشركين معنى كده انه بيحبهم ..
يقول لى . لا..لا ..ده ربنا بيحبنى نجانى من مشاكل كتير قوى وكنت حا اضيع ..
ده اليوم عملت حادثه كبيره والحمد لله نجانى منها...
اقول له برضه مش شرط ..لانه سبحانه وتعالى بيقول :
(سنستدرجهم من حيث لا يعملون واملى لهم ان كيدى متين )
تقول لى امال ازاى اعرف انه بيحبنى ...؟
اقول لك يا سيدى ..
لو بيحبك يعطيك اللى بيحبه ...ازاى يعنى ..؟
ربنا بيحب الدنيا ..بيحب الفلوس ..والنساء ..والجاه ..والسلطان
تقول لى ..لا ...امال بيحب ايه ..؟
يحب ذاته ...وبيحب صفاته.. ونبيه... وكتابه.. وقرانه... والصلاه وشرعه عموما..
فلما يحبك يعطيك دول ..يخليك تحبه ..اصل يا ابنى المشكله انك متعرفش ربنا ..
والله لو تعرفه تحبه بس انتى ما تعرفوش كويس ..
ده رحيم ..طيب شوف رحمه ربنا وصلت الى ايه ..
لما قتل قابيل هابيل واول جريمه قتل تقع على وجه الارض مش عارف يعمل ايه ..؟
شال اخوه على كتفه وفضل ماشى ..ماشى ..مش عارف يعمل بيه ايه بعد ما قتله اول انسان يموت على ظهر الارض وفضل ماشى فى الصحراء ..ماشى..مش عارف يعمل بيه ايه ..
شوف رحمه ربنا بيه ايه ..لو بالعدل ده قاتل ..يسيبه شايل اخوه وماشى بيه كده لغايه ما يموت.؟
هو كمان صح كده ..ده قاتل ؟
لكن بالرحمه فبعث الله غرابا يوريه ازاى يدفن اخوه فيقول القاتل يا ويلتاه اعجزت ان اكون مثل هذا الغراب فاوراى سوءه اخى فا اصبح من النادمين ..؟
لما شاف رحمه ربنا بيه ندم ..؟ اصبح من النادمين ..؟
يبقى تحبه ولا لا ..طيب ما بتحبوش ليه ..قول لى ...؟
ولذلك قال رسول الله ..ما تصلوا عليه :
الندم توبه ...
انتوا عارفين انت ممكن تكون قاعد فى قعده حلوه كده مع اصحابك فى الشارع او النادى ..
وتلاقى واحده حلوه ماشيه وعكستها ..ونسيت .طب ربنا نسى طبعا لا اكتبت.
وبعد شويه واحد صاحبك قال لك عارف فلان : تقول له اه..مش الحرامى ..ونسيت
ربنا نسى ..طبعا لا واتكتبت
وبعد شويه قعدت تجيب فى سيره الناس وتضحك ..ونسيت ....وهكذا
اصل انت واضع نفسك فى بؤره معاصى ...
وبعد شويه لقيت قلبك بدأ يكتأب ..ياه احنا جايين نتفسح مش نتنكد :
مالك ..فيه ايه ..؟
الذنوب بدأت تكبس على قلبك ...اعمل ايه ..
توب ..تب الى الله ..واستغفر على طول ..
انتوا عارفين ربنا بيقول ايه :
من يرد الله ان يهديه يشرح صدره للاسلام ...انت عارف يعنى ايه يشرح صدره ..؟
.ومن يرد ان يضله يجعل صدره ضيقا حرجا كانما يصعد فى السماء
كل ما ترتفع فوق سطح الارض كل ما تقل نسبه الاكسجين فتحس بالاختناق ..؟؟
ولكن اه الموضوع حا يطول ..ومحتاج كماله
ونكتفى اليوم لانى طولت عليكم
ومتنسوش وانتوا ماشين ..الاتى
استحلف بالله يا قارئا.....ان تسأل الغفران للشيخ عادل
انتظرونى وفضفضه ايمانيه اخرى.... ولو مت فى الفردوس الاعلى ان شاء الله
مهموم ليه..؟ قلقان ليه ..؟ قرفان ليه...؟
النمط الخطي
