انا مين؟ وبكتب لمين؟

[نزار المصري]

[FRAME="11 70"] انا مين؟ وباكتب ايه ولمين؟
انا رجل ارتجالى عفوى باكتب بالطباشير
على الحيطان
باكتب للسواقى والغيطان
للحرب وللدمار وللى امان
وفاتح قلبى للكلمات دكان
باكتب بطابشيرة بيضا للولاد ويا البنات
باحكيلهم حكاوى الغوله والتعلب فات
وباكتب ازاى يكونوا رمز فى الحكايات
كتبت عن الاقصى ودموع الامهات
كتبت على ابواب الملوك بدايه الثورات
ما بخفش من حد ولا باطبطب على حد
واللى فى قلبى بقوله وباهدى البوسه على الخد
راجل ارتجالى بكتب على ورق اللحمه فى السوق
وبكتب لعيون حبيبتى وقلبى مليان شوق
باكتب عن الاوجاع والعمر اللى عدا وضاع
لكن شكوتى لرب الكون وبادعى للى مشى فى سكه ضلمه
او للى للشيطان انصاع
والله يابشر عمرى ما بصيت لانسان
ولا هو مين ولا ازاى كان
باحب الناس وعشانهم باكتب عن الحرمان
لكن قدرى انى راجل ارتجالى
ولا باعمل حساب الحسد ازاى جالى
لان معايا ربى وعليه اتكالى
ومعايا من الاصحاب ناس والله فى العلالى
وباقول يارب دايما مايزعل منى حد
لانى راجل صعيدى وارتجالى
الفرعون العاشق.
..نزار المصري [/FRAME]

[السيد عبد الرازق]

مرحبا أخي الفاضل الكريم نزار المصري .
ومرحبا بشعر العامية المصري الجميل .
ذكرتنا بفؤاد حداد وآخرين.
تحياتي لكم وكامل تقديري
وننتظر الجديد .
والسلام عليكم ورحمة الله وبركاته

[نزار المصري]

[quote=السيد عبد الرازق]مرحبا أخي الفاضل الكريم نزار المصري .
ومرحبا بشعر العامية المصري الجميل .
ذكرتنا بفؤاد حداد وآخرين.
تحياتي لكم وكامل تقديري
وننتظر الجديد .
والسلام عليكم ورحمة الله وبركاته[ وعليكم سلام الله ورحمته وبركاته
اخى الغاضل... اسعدتنى بوصفك لى ولكنى اين انا والعماليق امثال فؤاد حداد او عبد الرحمن الابنودى ولكنى احاول كل مده كتابه العاميه واعترف لك كم هى صعبه
تقيل منى وافر التحيه والتقدير

[السيد عبد الرازق]

[FRAME="11 70"]أخي الشاعر نزار .
مررت هنا المرور الثاني .
كم هي جميلة ورائقة استمتعت بقرائتها .
أنك تكتب علي ورق اللحمة في السوق .
الصورة من واقع حياتنا اليومية ومن عمق المجتمع المصري.
تحياتي لكم وكامل تقديري ومودتي .
والسلام عليكم ورحمة الله وبركاته[/FRAME]

[نزار المصري]

المشاركة الأصلية بواسطة السيد عبد الرازق

[FRAME="11 70"]أخي الشاعر نزار .
مررت هنا المرور الثاني .
كم هي جميلة ورائقة استمتعت بقرائتها .
أنك تكتب علي ورق اللحمة في السوق .
الصورة من واقع حياتنا اليومية ومن عمق المجتمع المصري.
تحياتي لكم وكامل تقديري ومودتي .
والسلام عليكم ورحمة الله وبركاته[/FRAME]

وعليكم السلام ورحمه الله وبركاته
ادامك الله لى ثارئا واخ كريم