مساجلة بالشعر النبطي ( شاركونا )

[ابن اليمامة]

انا ما قول بسنينك تهناا ..... انا اقول السنين انت هناها
تباشر بك لياليها وتسعد ...... تحمد الله على خير عطاهااا
اهنى بك حياتى يا قمرهاا .... واهنى بك عيونى يا ضياهاا

[ابن اليمامة]

ارجي السنين المقبله تنصف الحال ... عقب السنين اللي مضت لي حزينه
مشيت كل دروب الايام رحـــــال ... طال الشقا والحزن طالت سنينه
وكل من نشد ويقول وش هي الاحوال ... اجامله بالــــرد واقول زينه .!!

[الشــــامخه]

هالت هوا حسه من الهول تكبير
الله علا نفسه و الله عطرها

لا جيت اقول بوصفه عن الغير
مانيب وافي ولا نيب من هو خسرها

ما قول غير الله يحفظه عن كل تقصير
راع الحروف اللي بروحه اسرها

[العنود النبطيه]

ذبحتني يالغضي بسكوت
ما هاذي حـــــال المحبين

العمر ما ينضمن من موت
والقبـــــر ما ياخذ اثنيـــن

[همس الأحاسيس]

الله من هــم بروحي ســـهجها ## بخافى ضميرى فـى كنين الحشا لاج
احـرمن نار تواقــد وهـــجها ## الله خلق دنيا وسـاع فجــجها

[الوافـــــي]

جيت المكان اللي جمعنا وخفيت
وقامت جروحي للجوارح وصاحت

ياليتني في لفة الدرب زليت
كان العيون من الدموع استباحت

[ابن اليمامة]

الدمعة بعيني وانــا اكتب وداعي .. دمعة حزن مع هم وشويه جروح
تجمعن صدفة ولا فيه داعي .. وصارن سبب ضيقة على قلب مجروح
يا وقت ليه تسوقني للضياعي .. هيبة رجل راحت مثل دم مسفوح

ابن اليمــــــــااااااااااااااامة

[الشــــامخه]

حنيتك راحت لوين وشفيك ما تشتاق لي
من بعد كل ذيك السنين بديت تتماده علي

علمني وشسويت لك وش جاك مني وشقلت لك
مو كافي اني مدلك ومقدم عيوني لك هديه

[الوافـــــي]

أخي الحبيب / بن اليمامة

البيت الذي أنهيت به مداخلتي كان منتهيا بحرف ( التاء )
ومن المفترض أن يبدأ البيت الذي كتبته بحرف ( التاء ) أيضا

لا بأس سنواصل من الحرف الذي انتهت به الأخت / الشامخه وهو ( الهاء )


هليت دمع العين والدمع مفضوح ... وجازيتني بالصد والهجر وش جاك
مجبور أجر الصوت والآه والنوح ... لأنك معي غالي ولا زلت بهواك

حرف ( الكاف )

[الشــــامخه]

كبـرت والعمـر ماكنـه ابـد يكبـر
.................. طفله سرقني الهوا مـن لـذة رقـادي

انا النسايم وغيـث المـزن لا أمطـر
................. انا البيـاض وبقايـا سيـرة اجـدادي

يحبني الليل كيف العيـن مـا تسهـر
................. لاصار يهدي السكون غياب حسـادي