ان الحمد لله نستعيذه ونستهديه ونستغفره من يهديه الله فلا مضل له ومن يضلل فلا هادى له واشهد ان لا اله الا الله وحده لا شريك له واشهد ان محمد عبده ورسوله اللهم ما صلى على محمد وعلى اهل محمد كما صليت على ابراهيم وعلى اهل ابراهيم انك حميد مجيد
اخوتى فى الله انا احبكم فى الله
اللهم ما اهدى امه حبيبك محمد صلى الله عليه وسلم
تكلمنا فى الموضوع السابق عن احوال عامه الناس اليومين دول وكل ما تسال واحد :
انت مالك ...يقول لك مش عارف انا حاسس انى قلقان ومهموم وحزين ..ولذلك يبحثوا عن السعاده وترويح النفس ولكن هيهات ..لا يجدها ..
وتكلمت معكم عن السبب فى ذلك وهو انه لا يحب الله ..وكيف ان نتقرب الى الله لكى يجبنا ..
وكلنا يملك زمام التقرب الى الله فى يده لان ربنا بيقول لك تقرب انت بس لى لو شبر اتقرب اليك زراع ..ولو رحت له ماشى حا يجيلك يجرى ..يالله ..
يبقى الموضوع بايدك..ايوه ايدك انت وانتى . قرب انت بس...؟
وقلت لكم ان ربنا قال فى كتابه :
من يرد الله ان يهديه يشرح صدره للاسلام ...انت عارف يعنى ايه يشرح صدره ..؟
ومن يرد ان يضله يجعل صدره ضيقا حرجا كانما يصعد فى السماء
كل ما ترتفع فوق سطح الارض كل ما تقل نسبه الاكسجين فتحس بالاختناق ..؟؟
هو ده ضيق الصدر ..وعكسه هو انشراح الصدر ..تحس انك ايه فريش fresh
وضيقه انك مش قادر تتنفس ..؟
والعلماء هنا جعلوا قاعده لكلام الله هذا وهو ان الصدر قد ينشرح مثلا بعمل الخير فيضيق بعمل الشر..احنا بتكلم بقه عن القلق والهم وكله ده فين فى القلب ..
فلو صدرك بينشرح بدخول السينما يضيق لو جلست فى المسجد شويه زياده..
كذلك لما ينشرح بالموسيقى .. يضيق بالقران ..؟
ولما ينشرح بالقران يضيق بسماع الموسيقى والاغانى ..والى اخره
انتوا عارفين فى الرديو يوجد اذاعه للاغانى وبعد منها على طول اذاعه للقران ..
فلو الواحد حب يسمع الاغانى يعدى على اذاعه القران ويجرى المؤشر بسرعه لحسن يسمع ايه من القران ..؟
احكى لكم حكايه من زمان اول ما التليفزيون طلع فى الستينات ..كان لى واحد صاحبى بيحكى لى عن ابوه ..وانتم عارفين زمان كان التليفزيون يشطب الساعه 11 مساء وكان يختم بالقران ..بعد انتهاء الفيلم ..
فذهب الابن لوالده وقال له يا ابى تعالى نقرأ شويه فى المصحف وتسمع لى ..
قال له الاب : خليك فى مصحفك انت وسيبنى انا اتفرج على الفيلم ..
قام قال له: يا والدى التليفزيون حا يسخن من كتر الشغل ..
قال : لا اصل انا اشتريته يابانى اصلى ما يسخسن ابدا..؟
وبعد لما خلص الفيلم ..والقناه حا تشغل القران عشان تختم ..عارفين حصل ايه ..؟
قال الاب ::قوم يا بنى اقفل التليفزيون احسن سخن..؟..ده امتى ..عند وقت القران..؟
مشكله كبيره جدا ان الانسان ينشرح بشئ ويضيق بضده.
عشان كده ربنا قال للرسول ايه ::
( ولقد نعلم انك يضيق صدرك بما يقولون )الحجر97
انتوا خلاص ما بتصللوش على النبى ليه ..صلوا ..صلى الله عليه وسلم
فالرسول صدره بيضيق بكلام الكفر لانه بينشرح بكلام ربنا
فلو صدرك انشرح بزوجتك حا يضيق باى واحده اخرى.
ولو انشرح بالصلاه حايضيق بالمعاصى. .ولو انشرح بذكر الله وتلاوه القران حايضيق بالكذب والنفاق ..الى اخره
ما هو علاج القلق والهم والاكتأب..؟؟
اولا ان تحب الله ليحبك.. فاذا احبك الله اندفع عنك القلق تماما.. ليه ..؟
اصل وقتها ليه حا تبقى قلقان لان كل ما سوف ياتى من عند حبيبك ..ايوه حبيبك .يبقى لك خير ...ويقول ابن القيم ان لله عنايه خاصه لمن يحبه ..
كل ما تقع ربنا يوقفك على رجله ..لانه بيحبه
اصل كل شئ هو اللى مالكه وبيجرى باذنه وبقدره .شوف بيقول ايه سبحانه :
القمر (آية:49): انا كل شيء خلقناه بقدر
الاكل واللبس وكل شئ عندك بعلم الله وبقدر الله ..لان اول ما خلق الله القلم قبل قبل خلق السموات والارض بخمسين الف سنه ..وقال له ::
اكتب علمى فى خلقى .فجرى القلم بما هو كائن ..
يعنى ربنا كتب لك انك حاتتزوج اليوم الفلانى ومن الست ام على بنت وكمان حاتخلف ابنك على فى اليوم الفلانى ..؟
ابسط من كده كتب انك حاتشترك فى المنتدى ده اليوم ده وتقرا للشيخ عادل فى اليوم ده وتزهق منه ومن مواضيعه المقرفه دى فى اليوم ده ..
كل ده مكتوب ..؟...اه واحد حا يسالنى انتى بقه جبت سيره الايمان بالقدر ..؟
طب قولى هو الانسان مسير ولا مخير ..؟..صح كده
اقول له: السؤال ما يكون كده .. اصل انا عايز الايمان بالقدر يرتكز عندك على اسس علميه واضحه ..
لان السؤال ده من اصله غلط الانسان مسير ولا مخير ..؟
اقول لك الانسان مسير مخير فى نفس الوقت ..يعنى ايه ..
مثلا انت الان بتقرا موضوعى هذا بمزاجك ولا احد اجبرك ..؟...يعنى مخير
وبرضه فى نفس الوقت مكتوب انك فى الوقت ده سوف تقرا الان هذا الموضوع ..؟ يعنى مسير
عشان كده ربنا قال: وما تشائون الا ان يشاء الله
لك مشيئه والله له مشيئه ولن تخرج عن مشيئه الله ..خلصنا السؤال ده.
نرجع تانى للقلوب ونقول ان فيه حاجه اسمها معاصى القلوب ..
اصل العين تزنى وزناها النظر واليد كمان بتزنى وزناها اللمس..والرجل تزنى وزناها السعى ..
والقلب يزنى ..؟ فيهوى ويتمنى
ودى المشكله.انك نفسك تتوب ومش قادر ترجع تانى للمعصيه ..يعنى تصلى الفجر يوم وتبطل عشره ... نفسك ماتشرب سجاير تبطل يوم وترجع لها ..طب ليه ..؟
لان القلب اشرب بالمعصيه ..اصل القلب يا جماعه مثل السفنفنج لما تنزل عليه المعصيه يمتصها ويشربها وعشان تنظف القلب لازم القلب يتعصر عشان يخرج السواد اللى داخله ..
عشان كده تفضل الوساخه والسواد اللى موجود فى القلب ده يسبب لك نكد وقلق وهم وخوف..
اللى احنا بنتكلم عليها ..
اصل هو عبد للسيجاره وعبد للمراه وعبد للفلوس وعبد للبس وعبد للمظاهر.ولو ما عمل حاجه من دول يبقى فى نكد لان قلبه متعلق بيهم ودى معاصى القلوب ..؟
ولو ربنا بيحبك يعطيك المعصيه اللى انتى عايزها وساعه حدوثها لا تعملها فاهمين ..؟.اوضح
ليس دوما يبتلى ليعذب ...بل قد يبتلى ليصتفى ويهذب
مثلا فى قصه الثلاثه اللى اتقفلت عليهم الصخره عارفينهم فاكرين التانى كان معصيته ايه كان عايز يزنى باابنه عمه لانها كانت محتاجه منه فلوس واستغل موقفها ووافقت على ان يزنى بها فى سبيل ان تاخذ منه المبلغ ولكن ساعه التنفيذ قالت له :
اتقى الله ولا تفض الخاتم الا بحقه ..فراح صاحبنا قام وتركها على طول ..لان ربنا عايز ان يطهره فقال له عايز تزنى .خد ازنى بس مش حاخليك تزنى لانه عايز يكسر نفسه ماهى مرات تقول له اتقى الله ولم يسمع كلامها ..
قد يبلتيك بمعصيه عشان يكسر نفسك ويطهرك ويذلك
نرجع ونلخص اللى قلناه فى علاج القلق انك لازم تحب ربنا عشان يحبك
لانه كل ما سوف ياتى من عنده خير لانه بيحبك
اللهم ما ثبت الايمان قلوبنا يارب...واقف عند ذلك اليوم
ومتنسوش وانتوا ماشين ..الاتى
استحلف بالله يا قارئا.....ان تسأل الغفران للشيخ عادل
انتظرونى وفضفضه ايمانيه اخرى.... ولو مت فى الفردوس الاعلى ان شاء الله