طرائف و نوادر

[maher]

دايم الاشياء اللي حولي من الجمادات تذكرني
بالأشخاص واكثر هذه الاشياء السيارات فمثلا :::

الجمس / كنه رجال اسنافي معلمته امه على المراجل

والعلوم الغانمه بس انه جلف وتظنه فقري وهوعنده خير.

الشفر/اخو الجمس من ابوه وامه من الحريم الي لك

عليها شوي وعلى قوله الشاعرواخلاق الوليد تقاس

حسنا بأخلاق النساء الوالداتي يعني هو والخلا واحد


أما العراوي / رجال شقردي ومنحاش من الفقر لكنه لاحقه


اما السكسويل /رجال وابشر بسعدك بس نفسه براس خشمه.

المازدا اأبيك اب/ رجال ارسله وين ماتبي ولا هوب رافض
بس إنه ما يدري وش السالفه ويمكن يوهقك!!

الرولزرايس/ شيبه مريش ما خلا عمليه شد ولا شفط ولا ترفيع

ولا ترقيع إلا سواها يحبونه العجايز ويمتون فيه.

المرسيدس /رجال وسيم وجذاب وعينه زايغه ويهدد بالتعدد

بس انه ما يصمل ما دري وش السبب يمكن برستيج يمكن بخل!!

البي ام دبليو/ شاب طموح لاهي يدور الفرص غايته تبرروسيلته!

الأودي/من ناس طيبين لكن المشكله الخوال والصبي وان جاد

جيده من خواله وان تردى فعلم انهم خيبيني..

اللكزس/ من الاغنياء الجدد فيه رفعة العز وكنه ماهوب مصدق ..

الفي اكس ار/ رجال عصامي بنى نفسه من الصفر بس ما يمتع
نفسه بلي اجمعه دايم عابس ومكشر الا اذا طلع البر!

الهمر/رجال يحب النوم والله يسترعلينا وعليه ..

بس الحق حق راعي فزعه ونخوه بس متى تجي..

البورش ولمبرغيني/ شباب الله يصلحهم معطينهم اهلهم

ذا السيارات ومخلينهم داجين في الشوارع الله يستر منهم!!

المستوبيشي/ رجال متلته ما لقى من تزوجه وجهه شين وطبعه شين

النيسان بترول/ شاعر توه متولع بالشعر .راعي بر ومقانيص

دايم مبهدل وحافي ...

الكاديلاك/ رجال كبير في السن كان له صوله وجوله...ما درى انها راحت عليه..

منقول و غير منقول