عشقت الصمت يوم اني عشقته وتاه الصوت في لحظة وجوده وله عهد على نفسي قطعته ابهزم صمتي و اكسر حدوده خفوقي غصب عني لو وهبته برغم الكبر لي دايم يسوده عميق الجرح لا مني و صفته يضيع الوصف من قسوة صدوده بلاني الشوق يوم اني عرفته وانا اللي ضعت في صمته وجوده وعدت القلب في حبه و عدته و يصبر لين ما اوفي وعوده نطقت الحب و اتجرأت قلته وكان الصمت كالعادة ردوده بحب بصمت .. وآنا اللي ظلمته وقدم بالسكوت اغلى عهوده