شهريارى
عصر حواديتى إنتهى
ولون نهارى مش برتقالى
حتى خيالى اللى إشتهى
سر الليالى المبهمة
مل الحكاوى كل الحكاوى
مع إنى كنت مغرمة
شهر يارى
مابقتش أنا شهر زادك
مابقاش كلامى ليك مباح
مش بس عشان
الديك نسى
آدان الصباح
لكن خيالى
هو اللى رافض
إن الليالى كلها
تنتهى بنوبة صياح
شهريارى
مرت علينا
آلاف الليالى
وإنت ناوى
لو حكايتة ماهيش مثيرة
تنهى حياتى ف يوم وليلة
دلوقتى باعلن رفضى ليك
أيوة باتمرد عليك
معقولة أرهن كيانى كله
عمرى وحياتى بين إيديك
شهريارى
حس بىَّ كيان وروح
مش مجرد سمير ليالى
قد إيه صعبة الجروح
لو إنت كنت ع الغدر ناوى
لملم جروحى خليك مداوى
لسه باب الود بينا
ليك مفتوح