رســـــــالة
أنتي الفرج دايم لاصابني ضيق
وأنتي السند لاكشرت سود الايام
وانتي ملاذي بين كل المخاليق
إن كان لي حظ فعمرك لي دام
أجيك وهمومي كبر هضبة طويق
واروح منك وكل الامال قدام
ومشيت في درب العمر دون توفيق
لامال ..لاراحة ..ولا ارضيت الانام
عمري ثلاثين مضت كلها ضيق
وماعمري استريت فيها ولا عام
عانيت تكذيب وعايشت تصديق
ورضيت تشكيك وسامحت من لام
هذا ولاني دون كل المطاليق
ايضا ً ولامني حصل قطع الارحام
ولاهيب غاياتي خداع وتلفيق
ولاهوب حب ٍ للمكاسب والا رقام
أيضا ولاني من عداد المطافيق
العابدين نفوسهم مثل الاصنام
رحمك الله يا / سعود بن بندر