كنا زمان ساكنين هنا
فى الحى ده من كام سنة
يا هل ترى اٍتغيرت أنا
ولا الزمان عدى وغير حينا
ومشيت أهدى فى خطوتى
وأخبى شوقى ولهفتى
هو المكان ده والطريق
ولا غلطت فى سكتى
نفس البيوت نفس المكان
والمدرسة وصوت الآذان
وهنا كتبنا اسمنا
وهنا نقشنا فى قلبنا
وهنا شقاوة عمرنا
نسيتنا ولا اٍيه جرى
ورجعت وحدى فى دنيتى
حاسة بغربة فى نظرتى
مع اٍننا كنا هناك
فى الحى ده مع صحبتى
فين الصحاب فين الجيران
متغربين ليه فى المكان
اٍتغيرت ليه الصفات
والزحمة سكنت فى الحارات
وما عاد فيه حاجة من اللى فات
نسيتنا ولا ايه جرى
بس احنا فاكرين اننا
كنا زمان ساكنين هنا
فى الحى ده من كام سنة
يا هل ترى اتغيرت انا
ولا الزمان عدى وغير حينا
النمط المتطور