كيف مات الزلمه
الأول: كيفك يا زلمه وكيفو أبوك إن شاء الله تحسن؟ صار لي سنين ما شفتك
الثاني: أنا ماشي حالي الحمد لله بس الوالد عطاك عمرو
الأول: العمر إِلَك.. بعرف كان عندو القلب يالله الله يرحموه
الثاني: بس والله ما مات من القلب
الأول: معقول هالحكي؟! كيف توفى؟
الثاني: الله يرحموه بآخر فترة ضعف نظروه كثير.. مرة طلع ع البلكون ما شاف الحفة وقع وبتعرف بيتنا ثالث طابق
الأول: لَهْ لَهْ على هالموتة، بكل الأحوال الله يرحموه
الثاني: والله تعذبنا فيه كثير وعملنا لو شي 12 عملية لَتْحَسَّن
الأول: لكان كيف توفى؟!
الثاني: صار يحمل عكازه ومرة عم يقطع الطريق، سيارة أمسرعة خبطتو
الأول: يَهْ يَهْ يا لطيف ... الله يرحموه
الثاني: ربك رحيم كان فيه جار إلنا حطو بالسيارة ولحقو
ع المستشفى بس النزيف الداخلي كان رهيب
الأول: الله يرحموه بكل الأحوال
الثاني: بس سفرناه على إسبانيا وضلينا شي 6 أشهر عم نعالج فيه والحمد لله تحسن
الأول: طيب كيف مات
الثاني: صار معو فشل كلوي حاد وصرنا ندور على متبرع كلية وتأخرنا وصار معو تسمم
الأول: الله يرحموه ارتاح
الثاني: بالصدفة إيجا شخص بيعرفو من زمان تبرعلو بالكلوة بآآآآآآآآخر نفس
الأول: لكان كيف مات؟!
الثاني: والله مرة بالبيت وهو قاعد ما انتبه ع الغاز احترقت الشقة وهو لحالو فيها
الأول: يا لطيف على هالموتة ما أبشعها الله يرحموه
الثاني: بس والله جارنا الله يجزيه الخير كسر باب البيت ولحقو بآآآآآآآخر لحظة
الأول: لَكْ فهمنا كيف مات !!!!
الثاني: والله اضطرينا نطخُّه آخر شي
ايميلي