تسلمين حبيبتي صفاء على اهدائك الجميل
واكيد حنا بها العالم ندور عن اصدقاء
والصداقه اللي ندور عليها اكيد معناها يختلف من واحد لواحد
زمان كان الكتاب أفضل صديق يوم كان نادر وما نلقاه إلا بالتعب
وبعد ما صار في كل مكان واقرب الموجود
صار الغث فيه اكثر من السمين
دورت بعدها على من اشتكي له ويسمعني
اللي يشاركني احساسي ويفهمني
اللي لا يمل مني ولا امل منه
ما لقيت غير قلمي صديق
تدرين له ؟
علشان قلمي حبره من دمي وتعبيره من احزاني
قلمي لساني وقلبي ودموعي
قلمي صورة حزني وخيال ابتسامتي
قلمي قلب حنون دورت عليه ولقيته
قلمي رفيقي بالألم والشجن والفرح
اذا كتبت به إما يجرحني أو يسعدني
وانا راضيه بها الشيء منه طالما انا منه وهو مني
صدقيني يالغلا ما راح تلقين بها العالم كله مثل القلم صاحب
اذا ضاقت عليك امسكيه واكتبي كل اللي تشعرين به على الورق
اكيد ما راح يخذلك لأنك راح تلقينه فرغ كل اللي بداخلك
مثل الأنبوب اللي يخرج الهم الي بداخلك في مخزن الأبواك
وإذا مسكتي السحاب بيدينك من الفرحة اكتبي اللي تشعرين به على الورق
أكيد ما راح يخذلك لأنه يبي يحفظ لك لحظات السعادة من مخزن الأبواك
عندي بالكبت مذكرتين
الأوله سميتها لحظات السعادة والثانية لحظات الألم
إذا ضاقت اخذت مذكرة لحظات السعادة وقريتها ومن دون ما اشعر احس بكل اللي في خاطري راح
واذا تألمت من داخلي أخذت مذكرة الألم وكتبت فيها كل اللي بداخلي منه واقفلها بدون ما اقراه
جربي هالطريقة اكيد تبي تتغير نظرتك للقلم
ورايحه تلقين فيه الصديق اللي تدورينه اللي يسعدك اذا كنتي مهمومه
ويكون معاك اذا احتجته
تسلمين يا الغلا على الاهداء
وجعلك على القوة دوم ان شاء الله
والله لا يحرمنا من قلمك
