[*سهيل*اليماني*]

المشاركة الأصلية بواسطة rainbow

لا رجل ولا إمرأة

أضعف الناس من ضعف عن كتمان سره

أنا الذي ما ابدي على الناس سرّي
من خوف سودان الوجيه تحكي به

أصبر على ظيم الدهر و التعرّي
من شان من يرضى عليّ الغليبة

و ابعد مجالي عن عيال التزرّي
من لا هوى قلبي دواه المغيبة

واخاف لي من مجلسٍ ما يذرّي
في جانبه بومٍ حساسه صليبه

وسوالفٍ مابين بحث و تحرّي
يجرح فؤادي عيّه و ابتلي به

يرضيني المقسوم خيري و شري
سبحان من لا تعلم الناس غيبه

أحدٍ على ربعه يحب التحري
للشر بلاس و خيره بجيبه

هذاك يالربع انا منه متبرّي
لو عضّني ناب الدهر ما انتخي به

من خوف يضحك لي و هو يستغرّي
يفتل حبال السّوْ ما يندري به

يفرح عليّ بكل شيٍّ يمرّي
وان شاف يمّي خير عنّي نهيبه



***



والحريم ابهم طبايع .... فيهن التخميل ضايع
لو بهم عاصي وطايع ...كل الاكثر مندعه

النصاح أي بيننه ... والخمال يدمدمنه
وان بغن درب يجنه ... لو عليهن مسبعه

ثم فيهن من حبيبه .... رجلها تشهر بطيبه
واهني من هي نصيبه ... لو متاعه سلوعه

وان طرش وابطى مراحه .... وأمنن قلبه براحه
مايطيع اهل القباحه ... والجهل واللودعه

ثم فيهن شلبديه .... تأكل الطليان حيه
والردي ماهي رديه .... كل ماجا تبلعه

رجلها لو جاب واجد .... عندها ماهو بياجد
ان سكت في الفقر ساجد ... وان تكلم تسبعه

ثم فيهن من تحوفك ... كنها تفرح بشوفك
وان تبين فتق جوفك .... عرق قلبك تمصعه

تنصحك وهي العدوة ... وانت تحسبها احموه
لا تظن ابها مروة .... حبل وصلك تقطعه

لا تقول ان العجوز ..... عن طبايعها تجوز
عند طاريهن تفوز ..... تضحك ام الدعدعة

لو تصير ابزي ضبعه ..... مالها بالعمر شبعه
كل مخلوق وطبعه ..... ضايع بالمطبعه

ثم فيهن من تعينك .... دايم يدها بدينك
عندها ما مثل زينك .... لو عليك مرقعه

تفتهم حق الرجال ..... عند زوجات الحلال
الدقاق من الجلال .... كل شيئ بموضعه

ثم فيهن من تحلاوى .... شرها يبلاك بلوى
لين بالحجه تعلوى .... في ثياب مطوعه

لو تعطيها سدك ..... وانت كتم السد ودك
تصبح الهرجه بضدك .... في النداه مصلعه

ثم فيهن من تحبك .... واقشر ماتشوف جبك
والحمتها لو تسبك ... في جسدك مربعه

ان تكلمت افضحتك ... وان تغاضيت أجرمتك
وان سكت انتفتك ...نتف ريش القوبعه

بيع قاصيها بداني .... زيدها والعمر فاني
لاتحط ابها مثاني ... سو بيع مقلفعه

ثم فيهم غشمريه ... . صايبة ومجادعيه
عند ضحكات الثنيه ... من يجيها تقلعه

السفيه اليا نظرها .... دايم يلهث بأثرها
وان بغاها ماقدرها .... بس يلهث مدلعة

مايطيع اهل النصيحة.... لو لبس ثوب الفضيحة
ولا اعضها بمستريحه ... والعيون مولعه

والذهين اليا من عرفها ... كف روحه من ظرفها
جازمنه ماخرفها .... لو تكون مهينعه


***


























ثــم فـيـهــن مــن وثـيــق ســدهــا ســـد(ن) غــريــق
مـا لـنــاشـدهــا الـطــريــق قـولــهــا مـاتـطـلــعــه




سـدهــا مـثــل الأمــانــة عــنــد رجـــال(ن) تـكــانــه
مـايـهــوجــس بـالـخـيــانــه رابـــح(ن) مـــن ودعـــه