[khalid1964]

تمادي وأنا مثلك تماديت بهجر وأبعاد ..


وكلٍ مثّل عناده خفوقٍ ثابتٍ صامد ..


وإذا عندك بعادي عيد ترى عندي جفاك أعياد ..


وعسى طول الجفا مني يليّن قلبك الجامد ..


أبضحك وأظهر البسمة ولو إن الجروح اجداد ..


وترى قلب الحريقة ضو ولو وجه الحطب رامد ..


بكون أكبر من الغلطة وبعلن للهوا ميلاد ..


إذا كان الخطا منك مجرّد ثورة الخامد ..


وإذا كان الجفا منّك مسافات وغلا وعناد ..


تراي أكبر من عنادك وقولي قالها حامد ..