يا علي
يا ابو الحسن شو بقول عنك يا علي
إسمك حروفه بالكتاب منزلي
و ما بفتكرإنسان عنده ضمير
ما بيعرف ,عينك الله ولي
يا أبو الارامل و اليتامى و الفقير
يا مطلق الدنيا من اول مرحلي
عشت أيامك على خبز الشعير
و تشرب مياه من السماء منزلي
شو كان عندك كوخ او شقفة حصير
و نخلة بجنب الكوخ كانت حاملي
تاكل خبز مع تمر مرتاح الضمير
تتكون إسوة بالأيادي العاملي
و كنت متل النحل تجني تتعبي القفير
إطعمي الغلابة و اللي بقو للعائلي
و كنت تفلح أرض تزرع على العفير
تخضر أرضك بعد ما تكون قاحلي
و لو وقع بالحرب بين إيدك أسير
إتعاملو بالشرع أحسن معاملي
يا بن عم المصطفى مالك نظير
بالتقافة و الكرم والمرجلي
و كنت وقت الحرب بيدق النفير
اتخود الحروب اللي جحيمها شاعلي
و كان صوتك بالحرب يهدر هدير
ضربتك ما بتخيب ضربة قاتلي
و كنت لو صليت للعالي القدير
إتلاقي الملائكة خلفك قافلي
لو مات مسلم كان موضوعو خطير
و نزلوه على القبر على ديار البلي
بتعرفو بالقبر ,ما إلو نصير
و فوق منو اللحد مافي مواصلي
و على يمينو الإتنين أنكر مع نكير
نزلو على شان يعملولو مقابلي
و احد طويل كتير و التاني قصير
حامل بيده رمح عم يغلي غلي
فتح عينو بالقبر صار يستجير
و الناركانت من حولوشاعلي
و قال لهم انا بين إيدكم أسير
حولوني لمحاكمة عادلي
قالولو إنت من وين يا عبد الفقير
إلي شو إسمك كنيتك و العايلي
ألن أنا إنسان من اهل الغدير
ومذكراتي كلها على الطاولي
و عم تسألوني شو الإسم إسمي نصير
وإسم بيي ابو علي من وائلي
عشت بزماني كنت خادم للامير
حبه بقلبي متل النار الشاعلي
و مابين أخد ورد و الموقف خطير
ما شفت إلا اللحد من فوق راسي علي
و شفت حالي طير عم بيطير
و بجنب الفردوس كان منزلي
وشفت حالي بقصر كله حرير
وأشجار حول القصر كانت حاملي
وأنهار بالالوان عم تهدر هدير
والحورعلى الجنبين كانت مائلي
نهرالعسل ,نهر اللبن ,نهر العصير
نعمة علينا دائمة و مش زايلي
فقالو الملك :بهنيك ياسيد نصيرعرفنا الحقيقة
كنت متولي بعلي
|