السلام عليكم .. مجرد رأي
كلام من قلبي
يــااااذكــري عاميـــــه
.....
يااااذكري عاميه
يازرعاني في نار حاميه
ياشقـّه صفوفي من يومك
ياعار مرسوم علي جبيني
بشكل الديب وراس تنّـين
قسمتيني
بقيت نصين
ياشاطبه وجودي من نفسي
وغزلالي خيوط يأسي
وحكماني فْ سواد ليلك
مكان مانروح نشوف طيفك
يحاوطني
وحوّطني
وجوّانا طرحتي غيوم
ومن يومك طفحنا هموم
تسرطنّا فْ مجاري الدم
يا موشومه علي سنيني
وفي عيوني وجدار القلب
يادبّـاحه فْ ولاد العم
وحكماهم
وسجناهم
في أوطانّـا كما الشاردين
ياقبّـاحه بفـُجْـر وظـلم
دا بكفايه قرار الغـُلب
زراعتي لْنا صهاينة دم
من يوم تمانيه وأربعين
ومن يومها ورثـتـك عار
محدد فين زنازيني
وقيـّدني فْ سلاسل غار
يا أحقر طيف
في أطهر أرض
حياتك زييف
وفي حدودك يتوه الفرض
ودايما كنت انا باسأل
قالولي جه شيطان أهبل
وعد بيكي
بقيت العصبه جابوكي
بحد السيف فرضوكي
بدم جدودنا ساقيينك
وصاينينــك
كائن الظلم في حدودك
مالوهشي زوال
رجوع لاجيء وإخوانه
مافيهشي منال
دا بعد الغربه والترحال
أكيد هايعود لأوطانه
ولو صادف حبايبك يوم
وفهموا الأصل في المعني
يلاقوا الإسم بيأكد
بائن انتي غبار يصعد
ونار تخمد
وجاي ليلك ملوهش نهار
وكل الخلق هاتشهد
لو الأمه في يوم هبّـت
ولا وجودك هنا يطـوّل
ولاهافضل بطول عمري
أكون راجل في توب عيّـل
أشيل ذلّي علي ظهري
لأن انتي بقيتي خيال
عشان ربي أكيد في علاه
هايرزقنا بناس خايفاه
وييجي اليوم ونتحوّل
وهانحاسبك علي غرورك
وهازرع غلّي في حروفك
ومن قدّم أيادي العار
ومن صمم في أخد قرار
علشان يفرض هنا أمورك
وسلم أرضي للمحتال
لابد يعيش ، حياته مرار
وييجي اليوم وناخـد التار
لأنك إنتي ياقاسيه
بطول العمر شايلك نار
وبكره تشوفي ياعاصيه
هانقضي ازاي علي وجودك
وراية الحق فوق عاليه
هانرفعها بسُنـّه وفرض
..........
أشكركم
وللجميع تحياتي