عرض مشاركة مفردة
غير مقروءة 08-02-2010, 11:30 PM   #1
ضياء الدين البري
عضو جديد
 
تاريخ التّسجيل: Jun 2009
المشاركات: 32
Arrow من غير تحيه أو سلام

السلام عليكم .. مجرد رأي

من غير تحيه أو سلام
......

من غير تحية أو سلام
أصلا مفيش فرصة لكلام
انا من طبيعتي اسمع كتير
وكائني في شهر الصيام
وأخبي دايما لهفتي
أصبر واداري دمعتي
ماتهمني كتـر السهام
عايش وهمّي شيخ ضرير
مالوهش بصمه ف خلوتي
ياريت تحاولي تسمعي
من غير مناقشه أو خصام

بلاش تلاوعي وتخدعي
القرب منك شيء مرير
عايش وراضي بقسمتي
بلاش تزوري مخدعي
قلبي خلاص ودع وصام
بدّلـت شرّي بكل خير
ونسيت عنادي وقسوتي
وبرضه عايزة تلوّعي.؟
فكراني من أهل الغرام.؟

شيطاني حابسه جوّه بير
عايزاني اغيـّـر ذمتي .؟
تاخدي رضايا وتخلعي.؟
فاكراني هاعْبـد دنيتي .؟
أصل انت طبعك مش تمام
جواك شر ف توب حرير
بتحاربه دايما همتي
عمرك ف يوم ماهتزرعي
في القلب وف جوّ الضمير
شويّه كِـبر ودور لئام

إن كنت عايزة محبتي
حاربي شيطان ندل وخطير
قومي بصلاه والناس نيام
من غير ماترضي رغبتي
صلي علي خير الأنام
يانفسي توبي وارجعي
عن كل شيء يجلب ملام
بعد الممات هاتودعي
إن كان صغيّر أوكبير
وهاكون في قبري ووحدتي
من غير حبايب أو طعام
كثرة ذنوبي في دنيتي
مستني يغفرها القدير
صلي علي خير الأنام

أشكركم
وللجميع تحياتي
ضياء الدين البري غير متصل   الرد مع إقتباس