عرض مشاركة مفردة
قديم 20-10-2008, 01:02 PM   #259
غــيــث
عضو شرف
 
تاريخ التّسجيل: May 2003
المشاركات: 7,934
إفتراضي






ستل جناحه ثم حام
يرقى على متن الهوا
يزفه بعيد وانا
محدود في حد النظر

له بالهوا شف ومرام
يلعب مع الغيمه سوا
ولا جناح لى واطير
والارض صارت لي مقر

طيري ضرب جو الهيام
ولو دعيته ما التوا
عزي لمن طيره غدا
ولا له من امره مفر

فكري تغشاه العسام
امسيت وفكري ما ضوا
الارض قفر من الونس
والليل من فرحي قفر

شبيت ضوي بالظلام
في صحصح ذيبه عوا
مالي انيس الا النجوم
او نور وضاح القمر

خالي وكني في زحام
قلبي تلهب وانشوا
ما عاد اميز بالحشا
والا على الضو الجمر

وين انت يا داعي سلام
وين انت يا بايع دوا
ردوا علي النومه ترى
بالعين جلاد السهر

دورت بالشده حزام
ولا لقيت اللي قوا
يالله دخيلك ما لقيت
اللي نشد به الظهر



(خالد الفيصل)
__________________

غــيــث غير متصل   الرد مع إقتباس