[السمو]

راعي جيب وده يتفرج على السيول في صبخة القصب
اللي تجيك قبل القصب على اليسار وانت جاي من الرياض
المهم الرجال وقف سيارته على جال البحيره ونزل يتمشى
مادرى الا الماء وصل موتره
حاول يطلع لكن ما امداه

المهم ترك موتره يمرح يوم جا الصبح ويفزع له راعي حراثه
حاول يسحب الجيب لكن صارت هذي النتيجه

ومن جهة أخرى

تلاحظون الزمزميه ؟؟
شكلهم وسعوا الصدر عند الحراثه

هالحين الحراثه تقول
طلعوووووني وش لقفني اجي فيذا

المهم أشروا لراعي سقس على الخط وجا يبي يسحب الحراثه
وكانت هذي النتيجه

وهذي صورة ثانيه ولاحظ قرب خط الزفلت
وعرفوا ان الموضوع يبي يطول والدليل ترمس المويه!!

قالو مابدهاش لازم نجيب دركتل
لكن شوفووش صار

من شفت الطاسه اللي حاطها ورى واناغاسل يدي

قامت الحراثه تضحك
قالت (قيت لك ياعبدالمعين عوزك تعيني لئيتك ياعبد المعين عاوز تتعان) <-- طبعاً باللهجة المصرية لانها عايشة بين صعايده

المهم قالوالحل الأخير هو الاتصال بالدفاع المدني وقامو وزينواالشاهي بعد ما خلص الشاهي اللي في الزمزميه
وقعدو يتقهوون بالبريق اللي قدامكم
وفعلا جا الوايت علشان يسحب هاللي غاطسين
وشوفواوش صار


وتركو الجيب والحراثه والسقس والدركتل
وحاولوايطلعون الوايت

شكل السواق توهق وانواع الجزاءات بتطبق عليه

يوم انهم عجزوقالواما يفل الحديدالا الحديد
جيبواابو جنزير
ويجيك يتمخطر ويضحك على هاللي غاطسين

لكن جاه ماجاربعه
تعلق اخينا في الله وقال هذا مكاني

وجابواعمال البلدية يحفرون له وحطو له خشب يبونه يطلع لكن ما فاد

وبعد مااستفادو من الدرس اللي تكرر عليهم في الجيب والحراثه والسقس والدركتل والوايت وابوجنزير
قررو يسحبونها من بعيد
ربطوا عدة وايرات في بعض وطلعو ابو جنزير ويقواون ان الدركتل اللي سحبه على الزفلت
هههههههه الصبخة ما يلعب معهاعلى الزفلت وعساك تسلم

ثم سحبو الدركتل

والحمدلله على السلامه
هذي صورة للموقع من بعيد

يستفاد من الموضوع
1- لاتهايط اذا شفت السيل
2- حاول تستفيد من اللي توهقوا قبلك
3- مهوب كل من اتصل بالدفاع المدني يبي يطلع

وصلني وأي كلمة غير مفهومة مستعدين للشرح وشكرا