بلدياتنا مبيعرفشى يعوم وقع فى البحر مات محروق
واحد بلدياتنا رجع من امريكا قاعد بيحكي لأبوه وأمه الحاجات الغريبة اللى شافها
.
- دانا شفت هناك واحد وقع من فوق عمارة طويييلة.. قعد ثلاث ايام لحد ما وصل الأرض.
أمه سألته: طيب مات ؟؟
ابوه رد عليها: ثلاث أيام لا يأكل ولا يشرب .. أكيد يموت
بلدياتنا تاجروا في الموز خسروا ليه ؟
بيرمو الموز المعوج
واحد بلدياتنا في مسابقة من سيربح المليون اتصل بصديق وقال له الو محمدين معانا 30 ثانية رايك احذف اجابتين ولا استخدم الجمهور!
واحد بلدياتنا وقع في خلاط الأسمنت طلع منه قال يخرب بيت الملاهي.
مرة طفل بلدياتنا راح للبقال فقال لة عمو عندك الشوكلاتة ام ربع جنية قال لة البقال نعم عندى فقال الطفل طيب بكام
واحد بلدياتنا رجع من السفر لقى الشقة مليانه صراصير.. غير قفل الباب
واحد بلدياتنا اشتري كمبيوتر... شال الموس وحط جاموسة
بلدياتنا أول مرة يشوف واحد فلبيني قال يا بخته ده شبعان نوم
واحد بلدياتنا راح يتمشى جابوه من على الحدود
واحد بلدياتنا راح السفاره الامريكيه علشان يسافر امريكا فقلوله انتا معاك لغه فقلهم لغة اه الحكايه كلها عملية فهلوه فسفروه فعدى من ادام مكان فيه فرح كبير قوى فسال واحد خواجه فساله(هو فرح مين ده يا خواجه) فقله اى دونت نوه فعدى تانى بعدها بيوم فلئى جنازه كبيره قوى فى نفس امكان فسال واحد خواجه (هو مين اللى مات) فئله اى دونت نوه فقله لاحول ولا قوة الا بالله دكان لسه فرحه امبارح
مرة واحد بلدياتنا قطع تذكرتين فى الأوتوبيس ، سأله اللى جنبه ليه قطعت تذكرتين ، قال له عشان لو تذكرة ضاعت يبقى معايا واحدة تانية ، قال له طب لو التانية ضاعت تعمل إيه قال له طب ما أنا معايا أبونيه
ليه بلدياتنا مبيكلش الكباب؟
عشان السيخ بيقف ف زوره
مرة واحد بلدياتنا وقع فى حفرة نزلولوا حبل طلع مخنوق
الموساد قرر أنه يشغل جاسوس صعيدى عنده بعد طول بحث أستقروا على هريدى راحوا لهريدى و خدوه تل أبيب و قعدوا يدربوه 6 شهور و بعدها قالو ليه أنه كدة جاهز للمهمة بتاعته
هريدى : يعنى حارجع مصر
مدرب الموساد : أيوة .. تروح و تنفذ كل التعليمات اللى قلنالك عليها
هريدى : طب ازاى حاتصل بيكم
مدرب الموساد : لا لا .. انت ماتتصلش .. احنا لما نحب نتصل بيك حانبعتلك مندوب يقوللك ازايك و ازاى امك .. تعرف أنه تبعنا .. ماشى يا هريدى
هريدى : تحت أمرك يا فندم
و بالفعل رجع هريدى مصر .. و بعد شهرين أحس الموساد انه لازم يتصل بهريدى .. فراحوا باعتينله مندوب
المندوب لبواب العمارة بتاعت هريدى : هو هريدى ساكن فى أنهى شقة
البواب : أنهى هريدى يا بيه .. العمارة فيها 4 هريدى
المندوب خاف لحسن العملية تنكشف : قولى شقة أى واحد فيهم
البواب : عندك واحد ساكن فى الدور الأول
طلع المندوب و خبط على الشقة اللى فى الدور الأول
المندوب : أنت هريدى .. ازايك و ازاى أمك
هريدى : أنت عايز هريدى الجاسوس .. هو ساكن فى الدور الرابع
واحد بلدياتنا قاعد في حفرة بيفكر.. ليه؟
بيفكر بعمق
سئلوا صعيدى : ليه قتلت أبوك
كانوا عاملين رحلة للأيتام , كنت عايز اروحها
طب ليه قتلت عمك ؟
كنت عايز ابن عمى يسافر معايا
طب ليه كنت عايز تنتحر
أصلهم لغوا الرحلة
صعايدة عملوا أتوبيس بالعرض ليه؟
عشان يركبون كلهم قدام
صعيدي واقف ينقط ماء ..! ليه ؟؟؟؟
اسمه حنفي؟؟
ثلاثة صعايدة قرروا أن يعملوا مزرعة كتاكيت فحفروا حفرة ورموا فيها الكتاكيت وردموا الحفرة واستنو يوم .. يومين.. ثلاثة وشجرة الكتاكيت مطلعتش، جربوا مرة تانية ومفيش فايدة فقررو يبعتوا أخوهم اللى بيدرس في أمريكا و بيحضر دراسات عليا. فقال لهم ابعتو لي بعض العينات من التربة
اتنين صعايدة عاوزين يشربو سجاير ومش معاهم قالو ندخل ميتم بيوزعو سجاير هناك ، دخلو قعدو جمب واحد فى الصوان بيدخن قال الاول : انفاس معدودة وقال التانى : كلنا لها رد الراجل : محدش واخد منها حاجة
صعيدي ماسك ثلجة..وقال :بس أموت واعرف بتنقط منين؟؟!!
بلدياتنا راح للدكتور، الدكتور قاله اعمل إشاعه طلع برة الأوضة وقال الهرم وقع
واحدصعيدى راح يشترى لمراته جزمة فراح لمحل وقال لصاحب المحل عايز جزمه من غير كعب وخفيفه شويه ورخيصه صاحب المحل قال ماشى وجاب الجزمه فقالت مراته ده مينفعش انا عايزه بكعب ودبت خناقه فصاحب المحل قرف منهم فقال للصعيدى متخدها بكعب هو انت الى حتلبسها قال لع من غير كعب هو انت الى حتنضرب بيها
مرة اتنين صعايده دخلو كليه الطب واحد اتخرج محامى والتانى محاسب
دا واحد صعيدي يعمل لدي كفاله شخص في الخليج أخونا الخليجي بيحب الدش جدا ومن الخوف من ملامله الأهل له لم يعلم أحد أن عنده دش الصعيدي هو حارس العمارة فقال له الخليجي انني خارج في نزهة اليوم فلا تحاول الصعود الي السطح لأنني مربي وحش علي السطح فقال له الصعيدي أبــــــشر لكن وقعت الكارثة ففضول الصعيدي غلبه في آخر النهار قال لنفسه لن أهدا الأ برؤية هذا الوحش فذهب الي السطح وخاف من فتح الباب فنظر من ثقب الباب ففر هاربا الي اسفل فوجده الخليجي في حاله متدهوره وقال له ماذا كنت تفعل فقال له الصعيدي لقد رأيت الطبق الذي يأكل فيه الوحش
مره واحد صعيدي ركب دماغه عمل حادثه
مرة واحد صعيدي نزل في محطة الرمل رجلة غرزت
ليه الصعيدي بيربي شنبه ؟؟؟؟؟؟ علشان الدبانه تمسح رجليها قبل ما تدخل
واحد صعيدي رايح حفلة تنكرية .. بعت اخوه
واحد صعيدي دخل جنينة الحيوانات ودخل راسه في قفص الاسد، الحارس جري عليه قاله انت بتعمل ايه، قاله ايه يابا يعني هناكله.
واحد بلدياتنا دخل الجيش ووقف حراسة على بوابة معسكر عدى عليه الشاويش وقاله:اللواء "فريد" جه؟
قاله : ماجاش يا شاويش "محمد" وبعد ساعة رجع له الشاويش محمد وسأله
اللواء "فريد" جه؟
قاله لسه ما جاش. وبعد ساعة أخرى رجع له تانى وسأله
اللواء "فريد" جه؟
قال له لسه ما جاش. وبعد ساعة جه اللواء "فريد" قاله العسكرى : أنت فين الشاويش "محمد" حيخرب بيتك.
مرة واحد مسطول بيلعلب كورة اخد الكورة على صدرة طلعها من منخيرة
واحد بلديتنا حب يولع فى مراته ولع فى نفسه و حضنها
واحد بلديتنا حب يعمل ارهابى خطف ابنه محدش سال عليه قتله
مرة واحد بلدياتنا حب يطور الهليكوبتر فك المروحة وركب تكيف
صعيدى عمل عملية .. نجحت
راح عملها مرة تانية
واحد صعيدى أعمى فتّح .. من الفرحة انشل
مرة واحد صعيدى كبر دماغه ما عرفش يقلع الجلبية
مرة واحد صعيدى وقع من الدور العاشر شنبه اتجزع
واحد بلدياتنا لقى مصباح علاء الدين ،طلعله العفريت
شبيك لبيك عبدك ملك اديك تطلب ايه
عايز كوبري طوله 1000 كيلو يوصل بين الشرق والغرب
لأ دي صعبه أوي شفلك طلب تاني
طب عايز الصعايده كلهم يبقول أذكيا
انت قلتلي الكوبري رايح جاي والا رايح بس؟!
واحد صعيدي ربنا كرمه ، اشترى عمارة عشان يقف عليها بواب
سألوا واحد صعيدي : مين أهم الشمس ولا القمر رد : القمر طبعا, بيطلع ينور لنا بالليل و الدنيا ضلمة, انما الشمس بتطلع بالنهار و الدنيا نور أصلآ
واحد صعيدى زكى اوى راح يصطاد نسى ياخد الطعم معاه فقعد يفكر يعمل اية يعمل اية ؟ وفى الاخر جاب ورقة وكتب عليها طعم ورماها فى المية تصوروا حصل اية ؟ بعد ربع ساعة طلعتلوا ورقة مكتوب عليها سمكة
أبو العربى قاعد على القهوة مع أصحابة قال لهم ياسلام يا ولاد على دى أيام لما كنت طيار قبل ما سيب الشغلانا دى وأشتغل فى الجمرك
سألوة أصحابة وحصل أية قال لهم ما أنساش دة يوم لما كنت سايق الطيارة وقاعد فى الكابينة قدام والركاب كلها قاعدين فى المقطورة ورا.. ومرة واحدة الماتور اليمين وقف..
سألوة أصحابة وعملت أية
قالهم... قلة أدب ياراجل كل شوية ماتور يوقف رحت موقف الشمال كمان... ورحت دايس على زرار خليت الجنحة ترفرف لحد ما وصلنا بالسلامة
واحد بلديتنا قاعد في موتمر دولي فواحد فرنساوي قام وقال احنا حفرنا تحت برج ايفل و لقينا اسلاك تليفونات و ده دليل علي ان التليفونات عندنا من 100 سنه
فقام واحد ايطالي و قال احنا بقا حفرنا تحت برج بيزا و لقينا اسلاك وده معناه ان التليفونات عندنا من 500 سنه
فقام واحد بلديتنا قال و احنا حفرنا تحت الاهرامات و ملقيناش حاجه خالص و ده دليل علي ان من 5000 سنه كان عندنا المحمول
مره ابو العربي قاعد مع واحد صاحبه بيقوله اسكت يا اخي انا امبارح كنت في الصحراء المهم لقيت اسد اروحله يمين يجيلي يمين اروحله شمال يجيلي شمال المهم لقيت عماره استخبيت فيها
رد صاحبه وقاله انت حتفشر عليا هو في عمارات في الصحراء
راح ابو العربي قاله بلاش ده انا امبارح كنت في الصحراء لقيت اسداجيله يمين يجيلي يمين اجيله شمال يجيلي شمال لقيت شجره طلعت فوقيها
صاحبه قاله انت شايفني مختوم علي قفايا هو فيه شجره في الصحراء
ابو العربي قاله خلاص انا كنت امبارح في الصحراء قابلني اسداكلني مبسوط كده
واحد بلدياتنا جاله تليفون بيقوله يا صميده امك و ابوك و مراتك و اولادك كلهم ماتوا صاحبنا سمع الخبر قال الحياه ملهاش لزمه و راح طالع فوق عماره 30 دور و رمي نفسه بين 30و20 قال الله انا امي و ابويا ماتوا من زمان بين 20و10 قال الله انا مش متزوج قبل ما يقع علي الارض يابوووى انا مش اسمي صميده
واحد راح يغير انبوبة بوتجاز لأمه فبيقولها قبل ما ينزل ادعيلي يا اما
قالتله روح يا ابني ربنا يفتحها في وشك
اعد امريكى مع صعيدى يتكلم عن تقدم بلدة وانهم اول ناس طلعوا القمر
فالصعيدى سألة ولقيتة اية هناك؟
قالة رمل و زلط
قالة اهوة دة احنا اللى مطلعينة
واحد صعيدى الشمس ضربتة عملها محضر
اتنين صعايدة فاتحين محلات قدام بعض واحد كتب على المحل عندنا تجد كل ماتريد التانى كتب عندنا لا تجد كل ماتريد
صعيدى بيقوم بتجارب على ضفدعة فأمرها وقالها فطى فقفزت الضفدعة قفزة رائعة فقطع لها رجل وقال لها فطى فقفزت ايضا قفزة رائعة فقطع لها رجلها التانية وقالها فطى فقفزت ايضا قفزة رائعة فقطع لها رجلها الثالثة وقالها فطى فقفزت ولكن بصعوبة فقطعلها رجلها الرابعة وقالها فطى فطبعا لم تقفز الضفدعة فعاد يصرخ باعلى صوتة فطى فلم تقفز فعلت وجهة ابتسامة عريضة و سجل نتيجة تجربتة بثقة بعد قطع الرجل الرابعة للضفدعة فقدت السمع
تمن صعايدة ماشيين وارا بعض وقعوا فى بلاعة واحدة
صعيدى قلع العمة فقد الذاكرة
وقف واحدصعيدي علي محطه القطار وبعد فتره مشي القطار و اعد يضحك ,
فساله ناظر المحطه انتا بتضحك ليه
قال له اصل اللي كان جي يوصلني هو اللي سافر
مرة اتنين صعايدة واحد منهم معاة قفة فقال للتانى لو جولتلى الجفة دية فيها اية حديلك منها بلحتين
قالة هع --جوافة
حمدين وحسنين اشتروا حصانين وعايزين يحطوهم فى اسطبل واحد فمحمدين بيقول لحسنين انت علمت حصانك عشان مايتلخبطوش قالة لع
فقالة خلاص انت تروح تعلم حصانك و انا اروح اعلم حصانى فرجعوا
فمحمدين بيقول لحسانين علمتة باية
قالة جطعت ديلة
قالة يووة وانا كمان جطعت ديلة خلاص احنا نعلمهم علامة تانيةفراحوا الاتنين ورجعوا
انت علمت حصانك باية جلعت عنية يووة وانا كمان
علمتة باية كسرت رجلة يووة وانا كمان
علمتة باية سلختة يوةة وانا كمان
علمتة باية حرقتة بجاز --يووة وانا كمان
خلاص احنا تعبنا جوى انت خد الابيض وانا حخد الاسود
لية الصعيدى بيستعمل منبهين؟
عشان واحد يضرب و التانى يحوش
واحد صعيدى دخل فى رجلة مسمار معرفش يطلعة تناة
طيار صعيدى كسر حاجز الصوت نزل يصلحة
واحد صعيدى بيشخر ازاز البيت اتكسر
واحد صعيدى عايز يغش فى الشطرنج اتعلم يقرص الزهر
كلب لولو عض واحد صعيدى نقلوا الكلب على المستشفى
__________________
(مُّحَمَّدٌ رَّسُولُ اللَّهِ وَالَّذِينَ مَعَهُ أَشِدَّاء عَلَى الْكُفَّارِ رُحَمَاء بَيْنَهُمْ تَرَاهُمْ رُكَّعاً سُجَّداً )
يا ذا الجلال والعزه انقذ المسلمين في غزه
اللهم كن لهم عونا ونصيرا
اللهم اجمع كلمة المسلمين على الحق يا رب العالمين
اللهم اصلح احوال المسلمين في فلسطين وفي العراق وفي كل مكان
اللهم الف بين قلوبهم واهدهم سبل السلام واخرجهم من الظلمات الى النور يا ذا الجلال والاكرام
اسأل الله الذي لا إله إلا هو أن يجعلني خيرا مما تظنون
وأن يغفر لي ما لا تعلمون، وأن لا يؤاخذني بما تقولون