الموضوع: همسات سلسبيلا
عرض مشاركة مفردة
غير مقروءة 01-12-2009, 06:07 PM   #6
إيناس
مشرفة بوح الخاطر
 
تاريخ التّسجيل: Apr 2008
المشاركات: 3,262
إفتراضي

صرخة قلب


يا دنيا هونى لازم تهونى ولا اقول ياحب ولا نور عيونى
يا دنيا خونى هواكى خونى واوعى تقولى حبى جنونى
يا قلبى لازم تقسى يا قلبى وان كان فيه حب لازم اخبى
يادنيا ليه بتقسى عليا وفى عز فرحى تجنى عليا
وانا قلبى كله مليان حنية وافديه بروحى ونور عنية
يا دنيا سيبك م الحب سيبك خلى نصيبك هو حبيبك
ولا اقول يا حب ولا اقول يا قلب وكفاية حزن وليا الرب
يا حزن ليه دايما فى قلبى وازاى الاقى الفرحة يا ربى
انا حزنى كبير خلانى اسير ده يادنيا كتير والله كتير
لو اقدر اهرب م الحزن هاهرب بس ازاى م الفرح هاقرب
ده انا كلى جروح وايامى بتروح ومعاها الروح
وشوية شوية بتجنى الدنيا عليا

انا عشت عذاب ووراه اسباب...
كان فيه ايام مليانة احلام
وفى لحظة كبيرة شغلتنى الحيرة!!
ليه يادنيا ما فيكيش حنية
ليه يا قلوب ما فيكيش احساس
وفين القاه الحب يا ناس

ان كانت قلوبكم حجر ولا فيها نقطة مطر
ازاى الحب هايكبر ازاى الحب يعيش

نفسى الاقى انسان اشعر وياه بامان
لكن زمانى بيقول يازمان
ضاع وياك الانسان .. ضاع وياك القلب المليان بحنان

اذا كنت صبرت كتير وخلانى الحزن اسير
ازاى انا هاقدر اعيش وبعد الحزن مليش
ومين يقدر ينقذنى وفى قلبه راح ياسرنى
وطريقى صعب كتير يلاقى الحب اسير
وانا قلبى صعب خلاص يذوق طعم الاخلاص
وبحرى كتير احزانه واكبر بكتير اشجانه
يا دنيا خدينى بعيد .. ورينى طريقى جديد
ورينى الحب اكيد ... والشوق وياه بيزيد
ورينى الحب ده فين والقاله طريقه منين
لو كان بايدى اختار ما كان القلب احتار
وعاش فى جنة ونار ..... ..... .....
لو كان بايدية نصيبى ما كنت اخترت حبيبى

انا كنت زمان انسان عايش حنان وامان
اول ما شفت الدنيا لقيتها حاجة تانية
وريتنى كتير لحظات وساعات مليانة آهات
وبقول كده ليه يا الم انا عشت قسوة زمن
وازاى يا قدر بتصيبنى ولا قادر مرة تسيبنى
انا قلبى كتير مجروح وازاى ترجعله الروح
وفى يوم انا قلت يهون ورانى طريق مجنون
فيه غدر كتير وظنون ......................
فيه لمسة خوف وحنان خلانى اعيش فى امان
خلانى احس بامل .. ورجعت وقلت يا ندم
وازاى انا اعيش من تانى والفرحة تعيش وجدانى
وازاى انا اعيش ما تاثر وانا قمرى لسة بيظهر

مجرد كلمات
__________________

Just me

إيناس غير متصل   الرد مع إقتباس