[متفااائل]

وتلك مراجعة لما سبق ... نتابع معا ونقرأ معا ...
سبحان الله ...
--------------------------------



إن شاء الله درسنا النهاردة هيكون مراجعة سريعة لما سبق
نحاول نلخص فيها أهم النقاط اللي تكلمنا فيها خلال الدروس السابقة



- تكلمنا عن أهمية العقيدة في حياة المسلم وأن العقيدة الصحيحة هي نجاتك في الدنيا والآخرة وأن عنايتك بها دليل على حبك لله وحبك لرسوله وحبك لدينه
وليس هناك دليل على أهميتها أكثر من أن الرسول صلى الله عليه وسلم ظل 13 سنة قبل الهجرة يغرس العقيدة الصحيحة في نفوس الصحابة
ولم يبدأ تشريع العبادات من صوم وزكاة وغيرها إلا بعد الهجرة بعد أن رسخت العقيدة في قلوب الصحابة .



- لازم يكون أول حاجة في حياتي هيه عبادتي ،
صلاتي رقم واحد في حياتي
كل حاجة أمرني بيها ربي تكون لها الأولوية في حياتي
أمرني بالصلاة يبقى سمعا وطاعة
أمرني بالحجاب يبقى فورا ألبسه
أمرني بالصيام يبقى أصوم
أمرني بالزكاة يبقى أزكي
أمرني بحفظ اللسان وحسن المعاملة للناس يبقى تصرفاتي كلها مراية لإسلامي وتمسكي بيه
وهكذا
سمعت الأمر يبقى أنفذ فورا مفضلش أسأل يا ترى الأمر ده فرض ولا سنة ؟
ولا أقول الدنيا مطارتش من أول الأسبوع هصلي أو من أول الشهر أتحجب ولا لما أكبر هأعمل كذا

انتي مخلوقة للعباده
ينفع أجيب تلاجة وأحط فيها الأكل علشان يستوي ؟
ولا الأكل لحفظ الطعام والبوتوجاز علشان يستوي؟
برضه انتي مهمتك العباده مينفعش تكوني لحاجة تانية



3- قولنا كمان ان كلمة عبد ليها معنيان
- معنى عام : وهو يشمل الكون كله -أى كل الكون عبد لله عز وجل رطب ويابس ومتحرك وساكن وظاهر وكامن ومؤمن وكافر وبر وفاجر

- معنى خاص : وهو: العابد المحب المتذلل لحبيبه سبحانه وتعالى
و هذا المعنى لا ينطبق إلا على المسلمين فقط فهم عباده المكرمون



4- العباده مش معناها صلاة وصوم وزكاة وحج فقط
ده معنى ضيق جدا للعباده
العباده تشمل كل شيء في حياتنا يقول تعالى : " قُلْ إِنَّ صَلَاتِي وَنُسُكِي وَمَحْيَايَ وَمَمَاتِي لِلَّـهِ رَبِّ الْعَالَمِين "َ﴿الأنعام: ١٦٢﴾

كل كلمة بتنطقيها وكل عمل بتعمليه تريدين به وجه الله فهو عباده
حتى تنظيف البيت والأكل والشرب وتربية الأولاد وكلامك مع زوجك وعلاقتك بجارتك حتى ابتسامتك وإنك تشيلي منديل واقع على الأرض في الشارع عباده حتى نومك ممكن يكون عباده
يبقى تقدري تخلي حياتك كلها عباده في عباده



5- حتى يكون العمل عباده لابد من تحقق شرطين :
كمال الحب و كمال الذل
فمن خضع لإنسان مع بغضه له فليس عابدا له ، ومن أحب شيئا دون أن ينقاد له فليس عابدا له ، فالعبادة التي أمرنا بها تتضمن معني الذل ومعني الحب
ويبقى بتعملي العباده وانتي فرحانه وسعيدة بعبادتك لأنك بتحبي ربنا سبحانه وتعالى مش مجرد واجب عليكي بتعمليه علشان تخلصي منه



6- علامة حبك لله إنك تحبي ما يحبه الله تعالى و تبغضي ما يبغض الله تعالى و عندها تمتثلى لأوامر الله تعالى و تجتنبي نواهيه أيا كانت هذه الأوامر والنواهي .



7- مادام لو بحب ربنا سبحانه وتعالى لازم التزم بأوامره وابتعد عن نواهيه
أعرف منين الأوامر والنواهي دي ؟

تعرفيها من القرآن ومن السنة مش بالعقل و لا اتباعا للعادات ولا باتباع الأجداد
ويبقى العقل هو لفهم نصوص الكتاب و السنة و ليست وظيفته الحكم عليها

ونخلي بالنا من البدع "إن الله حجز التوبة عن كل صاحب بدعة حتى يرجع بدعته "
ليس لنا ن نزيد في دين الله شيئًا وليس لنا أن ننتقص منه شيئًا

------------------
يتبع ...