عرض مشاركة مفردة
غير مقروءة 24-08-2011, 09:12 PM   #1
عبداللطيف أحمد فؤاد
عضو مميّز
 
تاريخ التّسجيل: May 2008
الإقامة: مصر
المشاركات: 849
إفتراضي المشير طنطاوى فى كلمات


يا طنطاوى يا أغلى مشير
اوعى تزعل من التحرير
احذر تغضب من التعبير
أنت أعظم من كده بكتير
اوعى تزعل من أشرار
أصلهم أجناد عزرائيل
فرعهم لئام اسرائيل
مسكهم رجالة العباسية
أكلّوهم الوجبة الهنية
أُم العُلْق التاريخية
من طاغور لشكسبير
من استراليا لأبى قير
ضربوهم بقلوب الشعب
تنصرهم ملائكة الرب
ويرجعوا تانى يظلموا الداخلية
وللا يقولوا اندس البلطجية
فاكرينا محششين سكرانيين
ده احنا سماء المفهومية
يا قطاع طُرق الميدان
سيبتوا ايه للحرامية
يا ابنى أنت وهو و هى
ده احنا الثورة
واحنا العبقرية
احنا الصحوة
والحكماء و الأغلبية
لولانا والجيش معانا
والأنبياء والعناية الالهية
كان زمانكم متعلقين
زى الدبايح فى الداخلية
ونشوف يا جيشنا
عملوا ايه الأفندية
راحوا الدول الأجنبية
صربيا وأوربا و أمريكا
و مؤامرات و دولارات
و بنات زى المهلبية
وبيخدعونا وبيطعنونا
و يقولوا تدريبات سلمية
آه يا ولاد المفترية !
آه يا بذور شيطانية !
وأنت وجيشك قاعدين
تحمونا بدمكم و المدفعية
يا طنطاوى يا أغلى مشير
يا عنان يا فنجرى يا روينى
يا أبيض سلوك وأعظم سير
ساكتين شامخين كالهرم
يا أُسُود الهدوء والفدا والكرم
كل المحافظات بتناديكم
كل الأرواح متعلقة بيكم
يا كُلية التضحية و الوطنية
يا مشير يا شجرة الكفاح
من سنة ستة وخمسين
وقبل ما تتولد الأقلية
وتشهد الأرض الفسطينية
أنك شايل روحك على كفك
يا نخلة العطاء للأبدية
يا حُبنا يا قلبنا يا مشير
يا حامى الولد يا بحار الخير
أنت السند و سيف البلد
اقول ايه وللا ايه وللا ايه
ما خلاص يا أبناء النيل
بانت القراميط الأجنبية
عبداللطيف أحمد فؤاد 4/8/2010
عبداللطيف أحمد فؤاد غير متصل   الرد مع إقتباس