الموضوع
:
لا تقنط بخاطري
عرض مشاركة مفردة
05-08-2009, 11:08 PM
#
4
الأميــــــــــر
صاحب الكلمة الطيبة
تاريخ التّسجيل: Aug 2008
الإقامة: على الطريق
المشاركات: 1,440
اللـي عدى حمة المحنة صبــــــار
ما يعلم باهوال جرحو بــــــــــراني
امديسني حب قصافة لعمـــــــــار
اذا تهت مع المقاسم مقــــــــواني
راني عدت غريب عن ناســـي دوار
بين الخو والخال راني بــــــرانـــــي
بلا كتبة جالبتني يا ستـــــــــــــــار
لا تبخيرة ولا عزيمة روحـــانــــي
يا قلبي شربتني من كل امــــــرار
واش ايطفي لوعتك يا تشطـــانـي
سبحان اللي كاتبةعني باسطـــــار
فوق اجبيني حطهم بالسريــــاني
يا بركة عيسى الشاعر المختــــــار
واللي عمر كوردان التجــــــانــــي
ما نقطع لياس فالايام طــــــــــــوار
نرجى وقت ان فاتني يستنـــانــي
هنتيني وعلاه ياسابغ لشفـــــــــار
ما في النسبة ذميم ولا دانــــــي
أغواطي نسبي قديم بلا تفخــــــار
وجدودي هما الساس التحتــانـي
الناس يظنو علي ظن خيـــــــــــار
غير انت ناقصة من ميــــــــــزاني
يا بركة من طوع الصيد الزهــــــــار
بن عودة ورفاقتو والجيلانــــــــــي
واللي كان نهار ياتوهم زيـــــــــــار
مولى مليانة و سيد البركـــــــاني
والصلاح اللي مراكز في لقطـــــار
رجال الدالة وويس القرانـــــــــي
ردو قلبي للوطى يخطي لوعــــار
نتهنى من ذا المحاين بركــــــاني
عبــــد الله بيه الغرام نظم لشعـــــار
على المجحـودةما ما نسميها عانــي
اذانصبــر خاطــري ما هنا نــــــــــي
الأميــــــــــر
عرض الملف الشخصي الخاص بالعضو
إيجاد المزيد من المشاركات لـ الأميــــــــــر