[عبداللطيف أحمد فؤاد]

الدولار و المعزة :-
********
حريقة الدولار كبريتها أمريكاني
عايزين يحرقوا بهايمى و فداني
و يعطوا اسرائيل بيتى و طيني
وفى البطل السيسي عايزين يعكوني
بس أنا أصلي نبوي فرعـــــــــوني
بعرف القـــــدر قبل حدوثه بسنينِ
2
في مية جهنم عايزيـن يغلوني
و يطلعونى و فى الزيت يقلوني
و لوحوش صهيون عايزين يوكلوني
وعضمى للكـلاب مش للتـراب
ترضى لى كده يا ابن الأحباب
3
أنا أبو الصحيان و فاهم الملاعيـن
حرقوا سورية و ضحضحوا سوداني
حطوا فوق راس الشعب طن بنزين
و شكوا عود كبريت الديمقراطية فين
والحجة بشــــار و خيبتـها برهاني
و خـربـوا بغـداد و ليبــيـا كمــان
4
هو الدولار طيارة و للا صاروخ
عشان يطلع كل ليلة كل صباح
يا أخى ده لو ملاك جبار حيدوخ
دى ورقة زعرة صاحبها نحنوح
دى بنت حرام و أبوها حشاش
دى سُم فى الدم فى صورة جُلاش
5
اللى شغالين بره أنت بقيت مبسوط
ابعت الدولار لبلدك مش للطاغوت
أصل بعد شوية يا أهطل حتموت
و لا حتلاقي فلوس و لا حتلاقي غيط
6
الجماعة اللى بره الزيادة مش ذرة
حيـزودك النهـارة و يعدمـــك بُكرة
و حياخد مراتك و أُمك تانى مَرة
يعنى أنت و عيلتك بتمن معزة
**********
عبداللطيف أحمد فؤاد