[اقبـال]

بسم الله الرحمن الرحيم
اللهم صل على محمد وعلى آله وصحبه أجمعين
السلام عليكم ورحمة الله وبركاته

http://www.youtube.com/watch?v=QCUnU2b-0NI

سالفتنا اليوم ماتسولف ولايلبس عليها ثوب
ولانلوم بيها حكومة المالكي العميلة وحدها
نلوم العرب اللي اشتركت بقيادة امريكا وراحت تحرر الكويت من الغزو العراقي
حرب امريكية صليبية اسلامية شنت على العراق لتحرير جزء يثبت التاريخ والاجداد هي ارض عراقية
ولا اي حاكم عراقي استلم السلطة بالعراق وافق على ترسيم حدود بين العراق والكويت
الا صدام حسين رحمه الله اخر زعيم وكان بالضغط عليه
ولما اشتركت الجيوش العربية والاسلامية الوية مقاتلة تحت قيادة الصليبين الامريكان
نسو العرب عدهم جزء محتل الجزر الاماراتية الثلاثة الواقعة تحت الاحتلال الفارسي
ونسو والعرب عدهم جولان محتلة تحت اسرائيل
ونسو العرب جبال لبنان وجيبوتي واراضي اخرى عربية محتلة
بس فتحو عينهم على العراق لما احتل او رجع الكويت
ومو مشكلة شنت القوات الصليبية والاسلامية الحرب لتحرير الكويت من العراق
بعد تدمير البنى التحتية للعراق من شماله لجنوبه مع العلم المفروض الحرب لاخراج الجيش العراقي
والمدن المدنية تكون بعيدة عن ساحة الحرب
بس الجيوش الاسلامية نست ماوصى به رسول الله صلى الله عليه وسلم حين ارسل جيشه ليقاتل فقال
(انطلقو باسم الله لاتقتلو شيخا ولاصغيرا ولاامرا ولاتغلو )
وتبعه باحسان سيدنا ابي بكر الصديق فقال لخالد بن الوليد في احدى المعارك
(لاتقتلن هرما ولاصغيرا ولاامراة فانهم حبسو انفسهم في الصوامع )
ومع هذا لم يسلم حتى الامنين في الكلاجيء من الموت بنيران تحرير الكويت
ثم تبعه حصار اقتصادي قبل وبعد التحري دام 13 عام
مات من مات بسببه واعاق من عاق بسببه
ورمل ويتم وهجر بسبب هذا الغزو العراقي
وعلى كل حال لما تحررت الكويت
نريد نعرف وين الحد الفاصل اللي سمحت به الامم المتحدة والقيادة الامريكية
بين الكويت والعراق
مو كان يومه منطقة العبدلي ؟؟؟؟؟؟؟
لو صارت الكويت ذيك المره
وترانا احنا مثل زوجها الي فضحها
لما رجع زوجها فد يوم بعد سفرة للبيت ووجد بيته حفله طبال وناس ترقص
ولما ساله عن السبب
كالت زوجته احتفال بولدنا اليوم السابع
كالها الزوج عمي صارلنا ثلاثة شهور من تزوجنا
وتغالطه بالحساب
الا ان كال
دك يابو الطبل تراها حبلة من كبل
واليوم العميل المالكي قطع ارض عراقية وانطاها للكويت
ارض ام القصر
وبيها ميناء ام القصر
وبيها ابار نفط
بحجة ترسيم حدود من اجل اخراج العراق من البند السابع
عمي احنا نفرض على العراق حصار اقتصادي لاصادر ولاوارد
حتى الببسي نشوف بالتلفزيون
وسنه 1995 كان اقسى شهر صوم مر على الشعب العراقي
نفطر على الخضروات الكرفس والرشاد وخبز شعير مخلوط بالجص
على الرغم انه مر اربع سنوات على تحرير الكويت ومد الى 13 عام
وفلوسنا مجمدة واحتلال عشر سنين
نصدك اليوم بالمالكي يبع كاعنا للكويت ع شنو نطلع من البند السابع ؟؟؟
واللي يريد يلوم صدام لما غزا الكويت
خلي يترحم عليه الف مره وما يجازى
اليوم الكويت واللي ساهم بتحريرها نطالبهم بموقف
من اقتطاع ارض ام قصر العراقية واضافتها للكويت رسميا
اللي ح تصير قاعد امريكية بلاشك
بالذات الجيوش الاسلامية والعربية اللي اشتركت بتحرير الكويت
والحكم الشرعي باغتصاب اي ارض تطويق بعنق الغاصب سبعين ارضين كما ورد عن المصطفى صلى الله عليه وسلم
اما الكويت مثل ماكالو اهل البصرة كبل نكول اليوم
حياتك وحليب امنا الرضعناه
نظل سور الاسامر والنواطير
حياتك وحليب امنا الرضعناه
تظل ع الشجرة مامونه العصافير
عزيزة الي تربي وتسهر الليل
لاجلها سيوفنا منشوره ع الخيل