[نزار المصري]

المشاركة الأصلية بواسطة ابن اليمامة

راحت ثمان سنين حل وترحال
راحت ثمانٍ كلها مدلهمه

سالت عنها اسنين واشهور واليال
ولافي قطر الى توجهت يمه

قضيتها بالحب والشوق رحال
شوقٍ تحدى كل ياسه وهمه

وعقب الثمان اللي تعبها برى الحال
جـــــــاب الزمان الكارثة والمطمة

جــــــــاني ولدها يبتسم بين الاطفال
ومن بسمته ذكرت أنا بسمة امـــــه

وركضت له دمعي على الخد همال
ومن كثر شوقي قمت بلحيل اظمه

ساعة حضنته الطفل في يدي مال
شــــميت ريحتها على اطراف كمه

واستلهمت نفسي مقاديم الأهوال
وتم الضياع واكدت لي متمه

ليت الغياب اللي شغل غربتي طال
ولا دور العاشق على حرق دمه

واليوم بنت الناس في بيت رجال
وحب على غير الشرف لي مذمـه

مجبور اعود واشتكي كل الأميال
بنفسٍ حزينه كائبه مستهمه

يرجع غريبٍ سكته بر ورمال
يموت : يحيا : يندفن : ما يهمه


محمد البلاهدي

وركضت له دمعي على الخد همال
ومن كثر شوقي قمت بلحيل اظمه


أفضل الدعاء*** ألحمد لله



الفاضل أبن اليمامة....


خيمة الخاطر زادت أشراقا بقلمك


صور بديعه ومفردات خليجية رائعه


دمت بكل الخير



وأفضل الذكر*** لا إله إلا الله