20-10-2008, 09:15 PM
|
#127
|
عضو شرف
تاريخ التّسجيل: May 2003
المشاركات: 7,934
|
أضم صوتي لك يالمباركة ... ونصيح من عالي المرقب ... عسى الله يرده
مع نجوم الليل و"سهيل اليماني"=جيت ابدفن لي همومن وادفنني
نوبتن جني وانا قاعد مكاني=ونوبتن لا من نظرت سهيل جني
قمت اخايل بالنجوم و "باليماني"=ومن همومي قمت اعددهن واغني
قلت انا ياسهيل بالله وشدهاني=وشعلام هموم قلبي لازمني
اسألك بالله ما لله ثاني=وين ابلقالي طروقن يسعفني
قال اعرفك تب تحن وتب تحاني=من عرفتك وانت بهمومك تحني
صرت كنك الوحيد اللي يعاني=وكن ما غيرك قلوبن يشتكني
بالتشاءم..ما عرفتك بالاماني=لك ثلاث سنيين مجروح وتوني
قلت انا بالله "ياسهيل اليماني"=انتظر ما فيه داعي للتجني
كان انا ياسهيل صرت اليوم جاني=اسألك بالله ياسهيل التأني
قبل تحكم ما عرفت اللي حداني=دوك ياسهيل اليماني ما حدني
دوك همي دوك نوحي وعوياني=دوك رمحن في نوى قلبي طعني
دوك همن لا قويته ما قواني=دوك جرحن في معاليقي سكني
دوك حلمن لا تمنيته عصاني=دوك وقتن خالف هجوسي وضني
صارت حروف الرثى بليا معاني=من همومي لو رثني ما رثني
شف نجوم الليل "ياسهيل اليماني"=لا شكيت هموم قلبي ما قوني
راسيات الفلك في عرض المواني=لو تحملهن همومي ما رسني
تتهمني..ما سرى درب الاماني=عمرها ياسهيل ما صرت تمني
وقمت اردد ياليماني "ياليماني"=ويانجوم الليل بالله اسمعني
وقمت اعدد ذا حداني وذا حداني=لين قالن ما نلومك واعذرني
محمد الميع
|
|
|