[على رسلك]

المشاركة الأصلية بواسطة *سهيل*اليماني*

يالله يامخضر نبات النواوير
من نو عجلات المزون الرواحي

تفرج لقلب فية كثر التفاكير
ياعل من بعد الهموم انشراحي

ياعمر شب النار جونا مسايير
الله يامرنا لدرب الفلاحي

البدو شالوا منتوين المحادير
وانا هوى بالي قعد بالمراحي

راحت عشا لمعكفات الدناقير
امسى عليها الطير يثني الجناحي

وسابقي يابو ثمانن مغاتير
ان طاولوا شذانهن مع بياحي

يازين شعت ذيلها مع مصادير
شهلول مزنن دونه البرق لاحي

ان اقبلت خيل وخيلن مدابير
وصار المضارب بينا بالرماحي

ياما عدلنا فوقها من طوابير
وياما كسبنا كل وضحى شناحي

من فضل رب العرش وال المقادير
نبهج كبود القاصرين الشحاحي

ابيك ترد بحكيك مو كلام غيرك