اهدي لك يا سهيل هذه الابيات لأبن حصيص
هيض بن حصيص في تالي نهاره
ألف قافٍ من ضميره دارجاتِ
راكبٍ من فوق منبوز الفقاره
آركي وحبال كوره كالفاتِ
آركيٍِِ ومربع عشب القراره
ماعــلاه الشد له سبع سنوات
كن في عينه من الفرقا شراره
أو مخاليب الوحوش الطايرات
ولعتني بالهوى والزين ساره
واخلفتني عن غنادير البنات
من خبر جارٍ ذبح بالود جاره
بالمبـيسم والثنايا المرهفات
المطوع لو يشوف خديد ساره
طبق المصحف وعجل بالصـلاة
ريق ساره سكر له في غظاره
أو حليب ابكار عربٍ مسمنات
والثنايا قحـويانٍ في زباره
نافلٍ نوره على كل الـنبات
والنهود زبيديٍ في لغد قاره
علهن وبل الحيا ومـصلعـات
حالفٍٍِ ما سلى ولا انسى حب ساره
لين اهل شقـرا يخلون الـصلاة
صاحبي بالجو مد هاله وداره
ما ربى في ثر مــدا وألا مــرات
جعل ضلع طويق يمحل هو وداره
جعل يمحل والوشوم مربـعات
حيث ينزل عند نا مضعون ساره
واهني صويحبي عندي يبـات
واوجودي وجد مكسور الجباره
ساهرٍ تسعين ليله ما يبات
أو وجود الـلي فضى الحاكم دياره
وخذ ماله والحريم مسـلبات
عقب ماهو تاجرٍ راعي عماره
صار فلاح واموره هينات
لا يمي يعطى حنيشٍ في خباره
سمها يشظا العظام الصالبات
__________________
__________________
مأساتي معاك تزيد
واتم بعيد .. وتتم بعيد
وأتم مثل الحزن ..
أنطر سحابة عيد
أجي ملهوف ..
عطش تحت المطر ملهوف
وقتي يطوف .. لوني ضايع ومخطوف
|