[علي]

الصورة :



المعلومه :

هذه صورة حنظله!!
وحنظله شخصية كاريكاتيرية، للفنان ناجي العلي نتجت عقب نكسة 1967
هذه الشخصية أرادها ناجي العلي رمزا لكل المضطهدين والمشردين في العالم، رسم العلي حنظلة في صورة طفل فلسطيني مشرد ممزق الثياب يعقد يديه خلف ظهره بإستمرار علامة على الثورة أو الرفض الدائمين، إضافة إلى أن القارئ لا يرى وجه حنظلة أبدا، وهو ما فسره العلي بقوله: "منذ أن خرج هذا الطفل من فلسطين عام 1948 وهو ينظر إليها، ولن تستطيع أن ترى وجهه إلا إذا نظرت معه في نفس الاتجاه".



وعلى مدى عشرين عاما كاملة لم تعرف شخصية كاريكتورية استمرارا كالذي عرفه حنظلة، فقد تحول-كما وصفه العلي- إلى "أيقونة" للثورة، وصارت صورته توضع على قلادات في الأراضي المحتلة، بل أن أيقونة حنظلة استمرت حتى بعد رحيل صاحبه ناجي العلي عام 1987.

وهكذا عرف مبتكر حنظله بلسان حنظله

"عزيزي القارئ اسمح لي ان اقدم لك نفسي .. انا وأعوذ بالله من كلمة أنا ..
اسمي : حنظلة ، اسم أبي مش ضروري ، امي .. اسمها نكبة وأختي الصغيرة فاطمة ..
نمرة رجلي :ما بعرف لاني دايماًً حافي ..
تاريخ الولادة : ولدت في (5 حزيران 67)
جنسيتي: انا مش فلسطيني مش أردني مش كويتي مش لبناني مش مصري مش حدا .. الخ ،باختصار معيش هوية ولا ناوي اتجنس .. محسوبك انسان عربي وبس ..

التقيت بالصدفة بالرسام ناجي .... كاره فنه لانه مش عارف يرسم .. وشرحلي السبب .. وكيف كل ما رسم عن بلد .. السفارة بتحتج ..الارشاد والانباء ( الرقابة) بتنذر ..
قلي الناس كلها اوادم .. صاروا ملايكة .. وآل ما في أحسن من هيك .. وبهالحالة .. بدي ارسم بدي اعيش .. وناوي يشوف شغلة غير هالشغلة ..
قلتله انت شخص جبان وبتهرب من المعركة .. وقسيت عليه بالكلام ، وبعدما طيبت خاطرو .. وعرفتو على نفسي واني انسان عربي واعي بعرف كل اللغات وبحكي كل اللهجات معاشر كل الناس المليح والعاطل والادمي والازعر .. كل الانواع .. اللي بيشتغلوا مزبوط واللي هيك وهيك .. وقلتله اني مستعد ارسم عنه الكاريكاتير . كل يوم وفهمته اني ما بخاف من حدا غير من الله واللي بدوا يزعل يروح يبلط البحر .. وقلتلو عن اللي بيفكروا بالكنديشن والسيارة وشو يطبخوا اكتر من مابفكروا بفلسطين ..

وياعزيزي القارئ .. انا اسف لاني طولت عليك .. وما تظن اني قلتلك هالشي عشان اعبي هالمساحة .. واني بالاصالة عن نفسي وبالنيابة عن صديقي الرسام اشكرك على طول .. وبس ..


التوقيع (حنظلة) "