[*سهيل*اليماني*]

شفت هالناس مجتمعة قلت اكيد عندهم شئ مهم .. وبالاخير طلعتي انتي !! الله اكبر ..
وش جابك عندهم .. الله يهديك بس .. ( انتبهي ترى ماعمرهم شافوا حرمة كاشفة ) .. زود على .. وتسولف معهم بعد ..

والا انا ماعندي ولاسؤال ولا جواب .. ولو كنت ادري ان هذا الموضوع ماجيت اصلا .. من يضمنك انت .. متى ترضين ومتى تزعلين .. عاد وشلون لو قلتي ماابيك !!



قبل اسافر وتنسى جيت اسلم عليك
جيت ابي عمري اللي من يديني غدى

ضاعت اجمل سنيني من عمايل يديك
اكذب ان قلت راحت لاجل عينك فدى

فرصة العمر قالوا لا غدت ما تجيك
جتني اكثر فرص عمري وضاعت سدى

جرب الخوف مره حس به يعتليك
وارفع الصوت ماتسمع لصوتك صدى

تدري اللي ذبحني قولتك ما ابيك
مابقالي لثاري لو بغيته مدى

ما هقيت المشاعر كلها ترتجيك
قل لها بالمفارق منهو اللي بدى

هاك دمعة عيون باكيه تشتكيك
هاك ريح ضمير ما استراح وهدى

ما تناظر عيوني زول هذي وذيك
ما يهز المسامع اسم ريم وهدى

قلت ماعادلي رغبة وشوفات فيك
قلت يا نفس طيبي يفرحون العدى

قلت عايف ونفسي بالخفا تشتهيك
عزة النفس تدري طيب ما ردى

خل عينك تهل دموعها وش عليك
انت خدك ورود ودمع عينك ندى